छत्तीसगढ़ विधानसभा : सरकार लाईस आबकारी संशोधन विधेयक, अमित मन छिंचिन गंगाजल

रायपुर। छत्तीसगढ़ विधानसभा म आज सरकार ह आबकारी अधिनियम संशोधन विधेयक लाइस त सदन म जोरदार हंगामा होइस। कांग्रेस ले निष्कासित मरवाही विधायक व ऊंखर दू संगी सदस्य अपन संग गंगाजल लेके आए रहिन हें। अपन संग लाए गंगाजल ल उमन पूरा सदन संग विधान सभा परिसर म छींचिन। बता देवन कि छत्तीसगढ़ सरकार ह अवइया वित्तीय साल ले शराब दुकान मन के ठेका बंद करके खुदे निगम के माध्यम ले बेचे के निर्णय लेहे हे। एही बात ल लेके आज विधानसभा म आबकारी अधिनियम संशोधन विधेयक पटल म रखे गीस। एखर विरोध म अमित जोगी अपन दू विधायक संगी सियाराम कौशिक अउ आर.के.रॉय के संग सदन के भीतर ये कहिके गंगाजल छींचे लगिन कि शराब के अध्यादेश लाके लोकतंत्र के मंदिर ल अपवित्र कर दिए गीस। ए खातिर ओ मन मंदिर के शुद्धिकरण करत हावंय। सदन के भीतर एला अमर्यादित आचरण मानत आसन्दी ह तीनों विधायक ल निलंबित कर दीस। बाहिर निकले के बाद अमित जोगी ह सरकार के ये काम के विरोध करत अध्यादेश वापस लेहे के मांग करिस। ए समय म अमित जोगी अपन संगी विधायक मन के संग मिलके मुख्यमंत्री के कमरा सहित पूरा परिसर म गंगाजल छिंचिस अउ कहे के अनुसार शुद्धिकरण के एलान करिस। एखर बाद अमित जोगी दुनों विधायक मन के संग महात्मा गांधी के प्रतिमा के आघू धरना म बैठ गे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment