जस्टिस थोट्टाथिल होहीं छग हाईकोर्ट के मुख्य न्यायाधीश





बिलासपुर, 11 , मार्च 2017। राष्ट्रपति हर केरल, मध्यप्रदेश, छत्तीसगढ़, पटना अउ झारखण्ड के मुख्य न्यायाधीश मन के नियुक्ति आदेश जारी कर दे हावय। छत्तीसगढ के मुख्य न्यायधीश थोट्टाथिल भास्करन नायर राधाकृष्ण होहीं। छत्तीसगढ़ के मुख्य न्यायधीश दीपक गुप्‍ता के सुप्रीम कोर्ट जज बने के बाद छत्तीसगढ हाईकोर्ट म मुख्य न्यायाधीश के पद खाली रहिस। राष्ट्रपति ह एक संग पांच राज्य मन के हाईकोर्ट के मुख्य न्यायधीश मन के नाम के घोषणा कर देहे हावय। जस्टिस गुप्‍ता के बाद छत्तीसगढ हाईकोर्ट म मुख्य न्यायाधीश के जिम्मेदारी कार्यवाहक न्यायधीश निभावत रहिन। अब थोट्टाथिल भास्करन नायर राधाकृष्ण छत्तीसगढ़ हाईकोर्ट के मुख्य न्यायधीश होहीं। जस्टिस राधाकृष्ण केरल हाईकोर्ट म जज रहिन।

राष्ट्रपति कार्यालय ले जारी आदेश के अनुसार जस्टिस राधाकृष्ण के नियुक्ति कार्यभार ग्रहण करे के तारीक ले माने जाही। छत्तीसगढ़ हाईकोर्ट अधिवक्ता संघ हर जस्टिस राधाकृष्ण के मुख्य न्यायाधीश पद म नियुक्ति आदेश के बाद खुशी जाहिर करे हावय। जस्टिस थोट्टाथिल के जन्म 29 अपरेल 1959 म केरल राज्य के कोल्लम म होय रहिस। सेंट जोसेफ कन्वेंट हाईस्कूल कोल्लम म उंखर प्रारंभिक शिक्षा होइस। उमन आर्या सेन्ट्रल स्कूल थिरूअनन्तपुरम ट्रिनिटी लाइसेम म घलोक शिक्षा प्राप्त करिन। जस्टिस थोट्टाथिल हर एफ.एम.एन कालेज कोल्लम अउ केजीएफ लॉ कालेज कोलार गोल्ड फील्ड कर्नाटक म कानून के डिग्री हासिल करे हावंय।

11 दिसम्बर सन् 1983 म थिरूअनन्तपुरम कोर्ट म अधिवक्ता के रूप म काम करना शुरू करिन। बाद म अर्नाकुलम के हाईकोर्ट म प्रेक्टिस शुरू कर दीन। 14 अकटूबर 2004 को केरल हाईकोर्ट के जज के रूप म उखंर नियुक्त करे गीस। कालेजियम के रिपोट के बाद राष्ट्रपति प्रणव मुखर्जी हर आदेश जारी कर जस्टिस थोट्टाथिल ल छत्तीसगढ हाईकोर्ट के मुख्य न्यायाधीश नियुक्त करिस।




Chief Minister inaugurates One-Stop Centers for distressed women in 26 districts : 8, 500 Anganwadi workers to get mobile phones






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment