आईजी कल्लूरी फेर कोंचकिस : 'थ्री इडियट क्लीन बोल्ड'





रायपुर, 04 मार्च, 2017। छत्तीसगढ़ म पाछू रतिहा ले जेन सवाल गूंजत हावय, ओखर जवाब ब्यूरोक्रेसी ले लेके हर मनखे खोजत हावय। वो सवाल हे कि का बस्तर पुलिस म अब तक ‘थ्री इडियट्स’ के राज रहिस। काबर कि उहां ले आईजी एसआरपी कल्लूरी पहिलीच हटाए गईस अउ सुकरवार को बस्तर व सुकमा के एसपी ल राज्य सरकार हर हटा दीस, एखर बाद कल्लूरी हर वाट्सअप के एक ग्रुप म अपन, बस्तर एसपी आरएन दास अउ सुकमा एसपी आईके एलेसेला के फोटो डालत लिखिस ‘थ्री इडियट्स क्लीन बोल्ड’।
बताय जात हावय कि व्हाट्सएप के ग्रुप मन म कल्लूरी के ये आखिरी पोस्ट आए। काबर कि ओखर बाद आईजी कल्लूरी बस्तर के जम्‍मो ग्रुप ले लेफ्ट होगे, जेमा वो ह कई सालों ले जुड़े रहिस। कल्लूरी के ये वाले पोस्ट ह अड़बड़ चर्चा म हावय। ब्यूरोक्रेसी म चर्चा चलत हावय कि कल्लूरी हर व्हाट्सग्रुप म पोस्ट करके कहूं एक पइत फेर सरकार के निर्देश के खिल्ली तो नइ उड़ाए हावय। काबर कि आज तक कोनो के ट्रांसफर-पोस्टिंग म अइसन कमेंट कभू कोनो अफसर के नइ आए हे। एती कल्लूरी हर तो अइसन कमेंट ल व्हाट्सएप म सार्वजनिक कर दे हावय, वइसे कल्लूरी के नाम हमेशा चुनौती देवइया अफसर के रूप म लेहे जाथे।





style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment