आदिवासी बहुल क्षेत्र ले सेना म चुने गए जवान मन राज्यपाल ले करिन मुलाकात





रायपुर, 21 मार्च 2017। राज्यपाल श्री बलरामजी दास टंडन ले आज इहां राजभवन म छत्तीसगढ़ के आदिवासी बहुल क्षेत्र बस्तर, सरगुजा, कांकेर, कोण्डागांव जिला ले भारतीय सेना बर चुने गए बीस जवान मन मुलाकात करिन। ए जवान मन राजभवन सचिवालय अउ दरबार हाल आदि के घलोक अवलोकन करिन। राज्यपाल श्री टंडन हर भारतीय सेना बर चुने गए ए जवान मल ले मुलाकात के समय कहिन कि देश के सेवा बर सब कुछ दे बर तैयार रहव। देश पहिली हावय, ओखर बाद अऊ चीज हावय। देश सुरक्षित हावय तो सब सुरक्षित हावय। जहां काम करव देश अउ छत्तीसगढ़ के मस्तक हमेशा ऊंचा रखव। उमन जवान अउर ऊंखर परिवारजन ल अपन बधाई अउ शुभकामना घलोक दीन। उम न कहिन कि देश सेवा के काम जम्‍मो काम ले बढ़के हावय। ए अवसर म सेना भर्ती कार्यालय रायपुर के संचालक श्री प्रकाश संजय हर बताइस कि पाछू बछर दिसंबर महिना म दुर्ग म आयोजित सेना भर्ती रैली म छत्तीसगढ़ के 307 जवान मन के चयन सिपाही पद बर कई ठन ट्रेड म करे गए हावय, एमां आदिवासी बहुल जिला बस्तर, सरगुजा, कांकेर अउ कोडागांव के युवा घलोक चुने गए हावंय। राज्यपाल श्री टंडन हर सेना भर्ती कार्यालय के अधिकारी मन ले कहिन कि आदिवासी बहुल क्षेत्र मन म सेना म भर्ती बर युवा मन ल प्रोत्साहित करे जाए। भर्ती बर आयोजित होवइया परीक्षा मन बर घलोक ए युवा मन ल जरूरी मार्गदर्शन दे जाना चाही। ए अवसर म राज्यपाल के सचिव श्री अशोक अग्रवाल, सेना भर्ती कार्यालय रायपुर के मेजर सचिन शर्मा, रिसालदार मेजर जीतेन्द्र कुमार घलोक उपस्थित रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment