पर्यटक मन ल घर म रूके के सुविधा देहे के पर्यटन मंडल हर करिस अनुबंध





रायपुर, 08 मार्च 2017। छत्तीसगढ़ पर्यटन मंडल हर पर्यटक मन ल होम स्टे सुविधा प्रदान करे बर यात्रा टी.जी. स्टेस प्राईवेट लिमिटेड दिल्ली के संग अनुबंध करे करे हे। होम स्टे के तहत पर्यटक मन ल पारंपरिक होटल मं ठहरे के सुविधा के विकल्प के रूप मं होम स्टे के सुविधा प्रदान करे जाही। अनुबंध म छत्तीसगढ़ पर्यटन मंडल के तरफ से प्रबंध संचालक एमटी नंदी अउ यात्रा टीजी स्टेस प्राइवेट लिमिटेड दिल्ली के महाप्रबंधक मनीष बंसल हर हस्ताक्षर करिस।
छत्तीसगढ़ पर्यटन मंडल के प्रबंध संचालक ह बताइस कि राज्य मं अवइया पर्यटक मन ल होटल मं आवास के विकल्प के रूप मं कम दर म होम स्टे के सुविधा दे जाही। एखर से पर्यटन ल जादा बढ़ावा तो मिलहिच एखर संगें-संग इहां के गांव के लोगन ल रोजगार के साधन घलोक मिलही। उमन बताइन कि ए योजना के तहत लोगन ल अपन घर के पंजीयन करा के पर्यटन के व्यापार ले जुड़े के मौका मिलही। ए योजना ले राज्य के संस्कृति अउ इहां के खान-पान अऊ जनजीवन ले पर्यटक मन ल जाने अऊ समझे के अच्छा मौका मिलही। होम स्टे के अनुसार पहिली चरण मं यात्रा टीजी स्टेस प्राइवेट लिमिटेड होम स्टे सुविधा प्रदान करे के इच्छुक संस्था, मनखे के चयन कर ओ मन ल प्रशिक्षण देही। पर्यटक मन के अतिथि सत्कार बर प्रशिक्षण दे जाही। प्रबंध संचालक हर बताइस कि योजना ल शुरू करे अउर संचालन करे मं छत्तीसगढ़ पर्यटन मंडल ले कोनो किसम के निवेश नइ करे गए हे। ए अनुबंध से ना केवल पर्यटक मन ल सुविधा मिलही, संगें-संग शासन ल राजस्व के प्राप्ती घलोक होही।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment