नक्सल हमला : प्रधानमत्री अऊ केन्द्रीय गृह मत्री हर करिस कड़ी निन्दा





रायपुर, 11 मार्च 2017। प्रधानमत्री श्री नरेन्द्र मोदी अऊ केन्द्रीय गृह मत्री श्री राजनाथ सिंह हर आज छत्तीसगढ़ के सुकमा जिला म माओवादी मन (नक्सलियों) के घात लगाके करे हमला म केन्द्रीय रिजर्व पुलिस बल (सीआरपीएफ) के बारा जवान मन के शहादत उपर गहरा दुःख व्यक्त करिस। उमन शहीद मन ल श्रद्धांजलि दीन। प्रधानमत्री श्री मोदी अऊ केन्द्रीय गृह मत्री श्री सिंह हर ए घटना बर माओवादी मन के कड़े शब्द म निन्दा करिन। श्री मोदी अऊ श्री राजनाथ सिंह हर शहीद जवान मन के परिवार खातिर अपन संवेदना प्रकट करिन। उमन छत्तीसगढ़ म नक्सल समस्या ल खतम करे बर मुख्यमत्री डॉ. रमन सिंह ल केन्द्र के तरफ ले हर संभव मदद के भरोसा दीन।
राज्य सरकार के गृह विभाग के प्रमुख सचिव श्री बी.व्ही.आर. सुब्रमण्यम हर बताइस कि आज बिहनिया अंदाजन दस बजे सुकमा जिला म इंजरम-भेज्जी सड़क निर्माण कार्य ल सुरक्षा प्रदान करे बर केन्द्रीय रिजर्व पुलिस बल के जवान मन के रोड ओपनिंग पार्टी अपन नियमित ड्यूटी म निकलिन। तभे माओवादी मन घात लगाके हमला कर दीन। ए हमला के मुकाबला करत-करत सीआरपीएफ के बारा जवान शहीद हो गे, जेमा एक इंस्पेक्टर, दू सब -इंस्पेक्टर, दू हेडकांस्टेबल अऊ सात जवान सामिल हें। इंखर अलावा दू अऊ घायल होए हें। मुख्यमत्री डॉ. रमन सिंह ए घटना के जानकारी मिलतेच रायपुर ले टेलीफोन म प्रधानमत्री अऊ केन्द्रीय गृह मत्री मेर सरलग सम्पर्क बनाए रहिस। शहीद मन के पार्थिव शरीर ल लाए जावत हे, जहां ओ मन ल श्रद्धांजलि अर्पित करे बर केन्द्रीय गृह मत्री श्री राजनाथ सिंह अऊ मुख्यमत्री डॉ. रमन सिंह घलोक उपस्थित रहिहीं।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment