पुलिस ह देहरादून म बंधक बनाये छत्तीसगढ़ के लड़की ल छोडाइस

उत्तराखंड के  देहरादून मं एक साइंटिस्ट के सरकारी बंगला मं धांध के रखे गए छत्तीसगढ़ के जवान लड़की ल बुधवार के दिन पुलिस हर छोडाइस। बंधक बनइया आरोपी साइंटिस्ट ल अबतक गिरफ्तार नइ करे जा सके हे।

राजधानी देहरादून मं ह्यूमन ट्रैफिकिंग ले जुरे एक मामला सामने आए हे जीहां घर मं बंधक बनाके रखे गे एक युवती ल पुलिस हर छोड़ाये हे। मामला राजधानी देहरादून के डील कॉलोनी के हावे, जिहां पाछू चार दिन ले छत्तीसगढ़ के रहवैया एक 21 वर्षीय युवती ल साइंटिस्ट ह अपन सरकारी आवास मं बंधक बनाके राखे रहिस हे। युवती हर आज मौका पाके 100 नम्बर म फोन करके पुलिस ल सूचना दीस, तेखर बाद रायपुर पुलिस डील स्थित साइंटिस्ट अजय मलिक के घर पहुंचिस अऊ युवती ल रिहा कराके थाना लाइस।

थाना मं युवती मेर पूछताछ करे जात हे, पुलिस के मुताबिक, छत्तीसगढ़ के रहवैया ए युवती ल 2009 मं दिल्ली लाए गए रहिस। जिहां ले कई पाइत आन-आन शहर मन मं एला बेचे गीस। अभी पाछू छै महीना ले ये युवती देहरादून मं साइंटिस्ट अजय मलिक के कब्ज़ा मं रहिस।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment