राज्यपाल, मुख्यमंत्री अउ कृषि मंत्री हर डॉ. मन्नूलाल यदु के निधन म शोक प्रकट करिन





रायपुर 24 मार्च 2017। राज्यपाल श्री बलरामजी दास टंडन, मुख्यमंत्री डॉ.रमन सिंह अउ कृषि मंत्री बृजमोहन अग्रवाल हर राजधानी रायपुर निवासी वरिष्ठ शिक्षाविद, भाखा वैज्ञानिक अऊ लेखक डॉ. मन्नूलाल यदु के देहावसान म शोक प्रकट करिन। उमन ऊंखर कुटुंब के प्रति संवेदना व्यक्त करिन। राज्‍यपाल महोदय अपन शोक संदेश मं कहे हावे कि स्वर्गीय डॉ. यदु छत्तीसगढ़ के एक समर्पित साहित्य साधक अऊ विद्वान चिंतक रहिन। उमन भगवान श्रीराम के छत्तीसगढ़ प्रवास ल लेके कई शोध ग्रंथ लिखिन अऊ कई ग्रंथ मन के संयोजन अऊ सम्पादन करिन। राज्यपाल हर स्वर्गीय डॉ. यदु ल श्रद्धांजलि अर्पित करिन।

मुख्यमंत्री डॉ. रमन सिंह हर छत्तीसगढ़ के प्रसिद्ध भाषाविद् अऊ साहित्यकार अऊ तत्कालीन मध्यप्रदेश राज्य नागरिक आपूर्ति निगम के पहिली अध्यक्ष डॉ. मन्नूलाल यदु के निधन म गहरा दुःख व्यक्त करिन। उमन आज इहां जारी शोक संदेश मं कहिन हें कि स्वर्गीय डॉ. यदु हर छत्तीसगढ़ मं मर्यादा पुरूषोत्तम भगवान श्रीराम के वनगमन रस्ता के अध्ययन अउ अनुसंधान मं महत्वपूर्ण योगदान देहे हें। उमन अपन संस्था छत्तीसगढ़ अस्मिता प्रतिष्ठान के माध्यम ले बड़े संख्या मं प्रबुद्ध नागरिक, साहित्यकार अऊ इतिहासकार मन ल एक मंच म एकत्रित कर राज्य के ऐतिहासिक, सामाजिक अऊ सांस्कृतिक विशेषता मन ल बेहतर ढंग ले देश अऊ दुनिया के सामने लाय के सराहनीय प्रयास करिन। स्वर्गीय डॉ. यदु हर कई किताब लिखीन अऊ बहुत अकन शोध ग्रन्थ मन के सम्पादन घलोक करिन। ऊंखर निधन ले छत्तीसगढ़ ह एक प्रतिभावान लेखक अऊ चिंतक ल हमेशा बर खो दीस। मुख्यमंत्री हर ऊंखर शोक संतप्त कुटुंब के प्रति संवेदना प्रकट करे हावे अऊ दिवंगत आत्मा के शांति बर ईश्वर ले प्रार्थना करे हें। डॉ. मन्नूलाल यदु के आज राजधानी रायपुर के पुरानीबस्ती स्थित निवास मं हृदयाघात ले निधन हो गए रहिस।

कृषि मंत्री श्री बृजमोहन अग्रवाल हर घलो वरिष्ठ साहित्यकार अऊ भाषाविद स्वर्गीय डॉ. मन्नूलाल यदु ल भावभीनी श्रद्धांजलि दे हावे। डॉ. मन्नूलाल यदु के आज राजधानी रायपुर के पुरानी बस्ती स्थित अपन निवास मं हृदयाघात से निधन हो गीस। श्री अग्रवाल हर अपन शोक संदेश मं कहे हें कि स्वर्गीय डॉ. मन्नूलाल यदु के साहित्य अऊ भाखा के विकास के योगदान ल हमेशा याद रखे जाही। उमन भगवान श्रीराम के वनगमन मार्ग के संबंध मं आम लोगन तक जानकारी पहुंचाए के विशेष काम करे हावें। श्री अग्रवाल हर स्वर्गीय डॉ. मन्नूलाल यदु के शोकाकुल परिजन मन के प्रति अपन संवेदना प्रकट करत करत दिवंगत आत्मा के शांति बर ईश्वर ले प्रार्थना करिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment