धर्मसभा म मिलही वेद-विज्ञान के ज्ञानः डॉ. रमन सिंह

मुख्यमंत्री संघरिन विशाल धर्म सभा मं
शंकराचार्य जगदगुरू स्‍वामी निश्चलानंद सरस्वती ले लीन आशीर्वाद






रायपुर, 15 मार्च 2017। मुख्यमंत्री डॉ. रमन सिंह आज संझा राजनांदगांव जिला मुख्यालय मं आयोजित विशाल आध्यात्मिक धर्मसभा मं सामिल होइन। उमन स्थानीय उदयाचल परिसर मं आयोजित धर्मसभा म गोर्वधन मठ पुरी के पीठाधीश्वर महाराज जगदगुरू शंकराचार्य स्‍वामी निश्चलानंद सरस्वती ल नमन कर उमन ले छत्‍तीसगढ़ के विकास अऊ सुख-समृद्धि बर आशीर्वाद लीन। उमन ए धर्मसभा मं पूजा-अर्चना करिन। ए अवसर म आयोजन समिति धर्म संघ पीठ परिषद के संयोजक श्री नीलू शर्मा हर जगदगुरू शंकराचार्य स्‍वामी निश्चलानंद सरस्वती जी अऊ मुख्यमंत्री डॉ. रमन सिंह के स्वागत करिन। ये आध्यात्मिक धर्मसभा 17 मार्च तक आयोजित करे गए हावे।
धर्मसभा के शुभारंभ अवसर म डॉ. रमन सिंह हर कहिन कि छत्‍तीसगढ़ मं बलरामपुर ले लेके बस्तर तक राम नाम के प्रवाह हावे। प्राचीन कौशल्या नगरी ले लेके दंडकारण्य तक भगवान श्री राम हर छत्‍तीसगढ़ के धरती ल अपन पावन चरण ले समृद्धि प्रदान करे हावे। डॉ. रमन सिंह हर पुरी के पीठाधीश्वर महाराज जगदगुरू शंकराचार्य स्‍वामी निश्चलानंद सरस्वती के राजनांदगांव प्रवास ल सौभाग्यशाली क्षण बतात जम्‍मो छत्‍तीसगढ़ कोति ले स्‍वामी जी के स्वागत करिन। डॉ. रमन सिंह हर कहिन कि तीन दिन के ए धर्मसभा मं स्‍वामी जी के संग सहजता अऊ सरलता के संग वेद, उपनिषद अऊ विज्ञान के आध्यात्मिक ज्ञान श्रद्धालु मन ल मिल सकही। उमन कहिन कि कठिन विषय ले लेके वैदिक गणित तक के जानकारी सरल भाखा मं स्‍वामी जी के संग लोगन मन ल मिलही, जऊन ल अपन जीवन मं उतारके आम आदमी घलोक आध्यात्मिक सुख अऊ शांति के अनुभव कर सकत हे।
मुख्यमंत्री हर कहिस कि संत मन के अशीर्वाद ले ही छज्‍जीसगढ़ के निर्माण होय हावे। संत मन के कृपा ले प्रदेश के जम्‍मो मनखे सुखी अऊ खुशहाल हावे। पूज्य संत मन के छत्‍तीसगढ़ अऊ छत्‍तीसगढ़ के जनता म विशेष आशीर्वाद हावे। एखर सेती छत्‍तीसगढ़ मं हमेशा ही अइसन पावन अऊ पुण्य आयोजन होत रहिथे। मुख्यमंत्री हर कहिन कि संत मन के पावन चरण ले अऊ उंखर पुण्यवाणी-प्रवचन ले छत्‍तीसगढ़ के वातावरण अऊ इहां के निवासी मन के मन-मस्तिष्क पवित्र होवत रहिथे। संत मन के आशीर्वाद ले छत्‍तीसगढ़ जनकल्याण के क्षेत्र मं अपन विशिष्ठ पहिचान बनावत हावे। मुख्यमंत्री हर ए आयोजन बर राजनांदगांव वासी मन के उत्साह, लगन अऊ सक्रियता के घलोक प्रशंसा करिन अऊ आयोजन समिति ल अपन बधाई अउ शुभकामना दीन।
ए अवसर म बीस सूत्रीय कार्यक्रम क्रियान्वयन समिति के उपाध्यक्ष श्री खूबचंद पारख, महापौर श्री मधुसूदन यादव, पूर्व सांसद श्री अशोक शर्मा, राज्य पिछड़ा वर्ग आयोग के पहिली अध्यक्ष श्री दिलीप सिंह होरा, छत्‍तीसगढ़ राज्य खाद्य आपूर्ति निगम के पहिली अध्यक्ष श्री लीलाराम भोजवानी, छत्‍तीसगढ़ राज्य अनुसूचित जाति आयोग के अध्यक्ष श्री रामजी भारती, छत्‍तीसगढ ऱाज्‍य उर्दू अकादमी के अध्यक्ष श्री अकरम कुरैशी, जिला सहकारी केन्द्रीय बैंक के अध्यक्ष श्री सचिन बघेल, राज्य महिला आयोग के सदस्य डॉ. लकीर मेश्राम संग कई संस्था मन के पदाधिकारी अऊ अड़बड़ झन नागरिक उपस्थित रहिन।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment