केन्द्रीय गृह मंत्री श्री राजनाथ सिंह ह मुख्यमंत्री के संग आपात बैठक मं करिस विचार-विमर्श

नक्सल समस्या ल जड़ से खतम करे खातिर केन्द्र वचनबद्ध : श्री राजनाथ सिंह
प्रभावित राज्य मन ल जारी रहिही हर संभव सहयोग






रायपुर, 11 मार्च 2017। केन्द्रीय गृह मंत्री श्री राजनाथ सिंह हर छत्तीसगढ़ के मुख्यमंत्री डॉ. रमन सिंह के संग आज रात इहां प्रदेश सरकार के मंत्री मन अउ वरिष्ठ अधिकारी मन के आपात बैठक लेके राज्य के सुकमा जिला म बिहनिया होए नक्सल हमला ले उबजे परिस्थिती मन म गंभीर विचार-विमर्श करिन। उमन मुख्यमंत्री ल नक्सल हिंसा ले निपटे बर केन्द्र सरकार के तरफ ले हर संभव सहयोग जारी रखे के आश्वासन दीन। श्री राजनाथ सिंह ह ए नक्सल हमला के कड़े शब्दों मं निन्दा करिन अऊ कहिन कि प्रधानमंत्री श्री नरेन्द्र मोदी के नेतृत्व मं केन्द्र सरकार ए समस्या ल जड़ से खतम करे बर वचनबद्ध हे अऊ एखर खातिर जम्‍मो प्रभावित राज्य मन ल तत्परता ले मदद करे जात हे। उमन हमला मं शहीद जवान मन के परिवार के प्रति अपन संवेदना प्रकट करिन। आपात बैठक मं छत्तीसगढ़ सरकार के गृह मंत्री श्री रामसेवक पैकरा, कृषि अऊ जल संसाधन मंत्री श्री बृजमोहन अग्रवाल, खाद्य मंत्री श्री पुन्नूलाल मोहले, वन मंत्री श्री महेश गागड़ा, समाज कल्याण अऊ महिला अउर बाल विकास मंत्री श्रीमती रमशीला साहू, पूर्व विधानसभा अध्यक्ष श्री धरमलाल कौशिक, प्रदेश शासन के प्रभारी मुख्य सचिव (अपर मुख्य सचिव) श्री अजय सिंह, पुलिस महानिदेशक श्री ए.एन. उपाध्याय, गृह विभाग के प्रमुख सचिव श्री बी.व्ही.आर. सुब्रमण्यम, पुलिस महानिदेशक (नक्सल आपरेशन) श्री डी.एम. अवस्थी, केन्द्रीय रिजर्व पुलिस बल के महानिदेशक श्री एस. लखटकिया, केन्द्रीय गृह मंत्रालय के संयुक्त सचिव (एलडब्ल्यूई) श्री पी.के. वशिष्ठ अऊ राज्य अउ केन्द्र सरकार के आन वरिष्ठ अधिकारी उपस्थित रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment