कृषि मंत्री अउर मंडी बोर्ड के अध्यक्ष श्री अग्रवाल के अध्यक्षता मं बोर्ड के संचालक मंडल के बैठक संपन्न





नवा वित्तीय साल के बजट के अनुमोदन
रायपुर, 27 मार्च 2017। कृषि मंत्री अउ छत्तीसगढ़ मंडी बोर्ड के अध्यक्ष श्री बृजमोहन अग्रवाल के अध्यक्षता मं आज छत्तीसगढ़ विधानसभा परिसर स्थित मुख्य समिति कक्ष मं बोर्ड के संचालक मंडल के 48वीं बैठक आयोजित करे गइस। बैठक मं वित्तीय साल 2016-17 के पुनरीक्षित अउ नये वित्तीय साल 2017-18 के अनुमानित आय-व्यय बजट के अनुमोदन करे गीस। बैठक मं आगामी वित्तीय साल के बजट मं छत्तीसगढ़ मं एग्रीकल्चर मॉल, कोल्ड स्टोरेज, गोदाम, फल-सब्जी मंडी संग आन भवन बनवाए 355 करोड़ रूपया व्यय करे के प्रस्ताव के अनुमोदन घलोक करे गीस।
बैठक मं संचालक मंडल के सदस्य के रूप मं संसदीय सचिव श्रीमती चम्पादेवी पावले, छत्तीसगढ़ खनिज विकास निगम के अध्यक्ष श्री शिवरतन शर्मा, विधायक श्री मोतीलाल चंद्रवंशी, कृषि विभाग के अपर मुख्य सचिव श्री अजय सिंह, मंडी बोर्ड के प्रबंध संचालक श्री एन.के. शुक्ला, बीज निगम के प्रबंध संचालक श्री आलोक अवस्थी, संचालक कृषि श्री एम.एस. केरकेट्टा, संचालक उद्यानिकी श्री नरेन्द्र पांडेय संग मंडी बोर्ड अऊ आन विभागों के वरिष्ठ अधिकारी उपस्थित रहिन।
बैठक मं सर्वप्रथम संचालक मंडल के 47वीं बैठक मं लेहे गए निर्णय मन के पालन प्रतिवेदन म विस्तारपूर्वक चर्चा करे गीस। बैठक मं चर्चा के बाद मंडी बोर्ड मं दस साल ले जादा समय ले दैनिक वेतनभोगी के रूप मं कार्यरत कर्मचारी मन के नियमितीकरण बर सुप्रीम कोर्ट के दिशा-निर्देश मन के पालन करत कार्रवाई करे के निर्णय ले गीस। कृषि मंत्री श्री अग्रवाल हर छत्तीसगढ़ के कृषि मंडी मन अऊ उप-मंडी मन मं खरीदी-बिक्री बर कृषि उत्पाद मन के आवक बढ़ाए बर पांच सदस्य मन के समिति बनाए के निर्देश दीन। उमन कहिन कि ए मंडी मन मं छोटे वनोपज मन के खरीदी-बिक्री ल बढ़ावा दे बर घलोक समुचित उपाए करे जाए।




कृषि मंत्री श्री अग्रवाल हर मंडी बोर्ड मं खाली पद मन के भर्ती के संबंध मं रखे गए एजेण्डे म चर्चा करे के बाद कहिन कि ए पद मन म नियमित भर्ती होए तक प्राथमिकता के आधार म टेक्निकल अऊ आन संवर्गों के पद मन म प्लेसमेंट एजेंसी ले आपूर्ति करे जाय, ताकि कई ठन विकास कार्यों मं गति आ सके। उमन कृषि उपज मंडी समिति मन अऊ उप-मण्डी समिति मन मं खाली भृत्य अऊ चौकीदार के 427 पद मन ल भरे बर जल्दी कार्रवाई शुरू करके अवइया छै महिना के भीतर ए प्रक्रिया पूरा ककरे बर कीहन। उमन कहिन कि ये छोटे-छोटे पद हे, फेर इंखर खाली रहे ले मंडी समिति मन के परिसंपत्ति मन के सुरक्षा करे मं दिक्कतें आवत हे।
बैठक मं विभिन्न संवर्ग के मंडी समिति मन के प्रभारी अधिकारि मन ल व्यय स्वीकृति देहे के नियम मं संशोधन करके व्यय स्वीकृति के राशि के सीमा बढ़ाए के निर्णय ले गीस हावे। कृषि मंत्री श्री अग्रवाल हर मंडि मन मं जैविक कृषि उत्पाद मन के बिक्री बर अलग से स्थान या दुकान निरधारित करे के निर्देश दीन। एखर अलावा कृषि स्नातक बेरोजगार मन ल मंडी समिति परिसर मन मं दुकान आवंटित करे के कार्रवाई मं गति लाय बर निर्देशित करिन। श्री अग्रवाल हर स्वच्छ भारत अभियान के तहत जम्‍मो मंडी मन मं साफ-सफाई कराए के जरूरत म जोर देवत कहिन कि मंडी समिति मन मं किसान मन अऊ व्यवसायी मन ल स्वच्छ वातावरण मिलना चाही। श्री अग्रवाल हर संचालक मंडल के आगामी बैठक मं मंडी समिति मन के परिसंपत्ति मन ल सुरक्षित करे बर कार्ययोजना प्रस्तुत करे के निर्देश दीन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment