उज्ज्वला योजना ले चन्दरबाई अउ सुरूज के परेशानी होइस दूर





मुंगेली 25 मार्च 2017। शासन कोति ले संचालित उज्ज्वला योजना महिला मन बर वरदान साबित होवत हावय। येखर सहारे धुगिया के समस्या अउ बीमारी ले निजात मिलत हावय। पहिली गैस कनेक्शन नइ होए के कारण दाई-बहिनी मन ल चूल्हा म लकड़ी-छेना जलाके खाना पकाए ल परत रहिस एखर ले कई ठन परेसानी होत रहिस। येमन आर्थिक स्थिति ठीक नइ होए के कारण रसोई गैस नइ ले पात रहिन। ये बात जिला के विकासखण्ड मुंगेली के ग्राम रीवापार के 45 वर्षीय चन्दरबाई हर बताइस। उमन ये घलोक बताइन कि ए योजना के जानकारी हमन ल नइ रहिस। ग्राम पंचायत के सरपंच अउ खाद्य विभाग के अधिकारी मन ले उज्ज्वला योजना के जानकारी मिलीस। थोरकुन दिन के बाद गैस कनेक्शन मिल गीस। अब गैस कनेक्शन मिले ले जेवन बेरा म बन जात हावय लइका खाना खाके समय म स्कूल जात हावय। उमन बताइन कि कुटुंब म 15 सदस्य हावय कु. यशोदा सरस्वती उ.मा. विद्यालय चारभाठा म कक्षा 9वीं म पढ़थे। दू लइका मिडिल स्कूल म पढ़थे। गैस कनेक्शन मिले ले खाना पकाए के परेशानी दूर हो गीस।
अइसनहे विकासखण्ड लोरमी के ग्राम मारूकापा के 68 वर्षीय सुरूज पति गोपाल हर बताइस कि उनला गैस कनेक्शन मिले हेफेर गैस चुल्हा जलाए ला नइ आवत रहिस। थोरकुन दिन म जलाए सीख गयेन। अब फटाफट खाना बन जाथे। अब न तो लकड़ी सकेले के झंझट अउ न छेना थापे के झंझट, संगें संग धुंगिया के करूवई ले आंखी बांचिस। गैस कनेक्शन ले साफ-सुथरा खाना पकत हावय। अब लइका समय म स्कूल जात हावंय अउ किसनहा मन बर समें म जेवन बन जात हवय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment