नगर निगम के व्हाट्स-एप ग्रुप म डार दीस बकनी फोटू

फोटू डरइया जोन आयुक्त निलंबित

भिलाई, 30 मार्च 2017। नगर निगम के व्हाट्स-एप ग्रुप मं एक अफसर ल अश्लील फोटो अपलोड करना भारी पड़ गीस। निगम आयुक्त हर अफसर ल तुरते बरखास्त कर दीस। अफसर ल जोन आयुक्त अउ कार्यपालन अभियंता बताये जात हे।

जानबा होए हे कि 28 मार्च के रतिहा वो साहेब हर नगर निगम के व्हाट्स एप ग्रुप मं अश्लील फोटो अपलोड कर दे रहिस। ए बात के काली पूरा दिन मुहाचाहि होत रहिस। वो व्हाट्स एप ग्रुप म कलेक्टर ले लेके कई बड़का प्रशासनिक अधिकारी अऊ नगर निगम के अधिकारी-कर्मचारी जुड़े हवें। एखर जानकारी होए म आयुक्त कुमार लाल चौहान हर कालीच आनन-फानन मं आदेश जारी कर वो जोन आयुक्त ल निलंबित कर दीस। निलंबन आदेश के मुताबिक लिखे हे कि जोन आयुक्त हर छत्तीसगढ़ शासन के सामान्य प्रशासन विभाग ले जारी आदेश मन के पालन नइ करिस। छत्तीसगढ़ सिविल सेवा (आचरण) नियम 1965 अउ छत्तीसगढ़ सिविल सेवा (वर्गीकरण, नियंत्रण अउर अपील) नियम 1966 के पालन नइ करे म वोला तुरते प्रभाव ले निलंबित करे जात हावे। निलंबन अवधि मं ओखर कार्यालय जोन आयुक्त, जोन-6 रिसाली होही।

(मूल समाचार इँहा हे - http://shreekanchanpath.com/news/3410)
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment