न्यायाधिपति श्री राधाकृष्णन ह छत्तीसगढ़ के मुख्य न्यायाधीश पद के शपथ लीस

राज्यपाल श्री टंडन ह देवाईस शपथ






रायपुर, 18 मार्च 2017। न्यायाधिपति श्री थोट्टाथील भास्करन नायर राधाकृष्णन हर आज इहां राजभवन के दरबार हॉल मं छत्तीसगढ़ उच्‍च न्यायालय, बिलासपुर के मुख्य न्यायाधीश के पद के शपथ लीस। राज्यपाल श्री बलरामजी दास टंडन हर ओ मन ल पद अऊ गोपनीयता के शपथ देवाईन।
ए अवसर म राज्य के पहिली महिला श्रीमती बृजपाल टंडन, मुख्यमंत्री डॉ. रमन सिंह अउ उंखर धर्मपत्नी श्रीमती वीणा सिंह, विधानसभा अध्यक्ष श्री गौरीशंकर अग्रवाल, उच्‍च शिक्षामंत्री श्री प्रेमप्रकाश पाण्डेय, पंचायत अउ ग्रामीण विकास मंत्री श्री अजय चन्द्राकर, गृहमंत्री श्री रामसेवक पैकरा, खाद्यमंत्री श्री पुन्नुलाल मोहिले, महिला अउ बाल विकास मंत्री श्रीमती रमशीला साहू, पर्यटन मंत्री श्री दयालदास बघेल, वन मंत्री श्री महेश गागड़ा, वनौषधि बोर्ड के अध्यक्ष श्री रामप्रताप सिंह, राज्य वित्त आयोग के अध्यक्ष श्री चन्द्रशेखर साहू, प्रमुख लोकायुक्त श्री एस. एन. श्रीवास्तव, राज्य निर्वाचन आयुक्त श्री ठाकुर रामसिंह, छत्तीसगढ़ बाल अधिकार आयोग के अध्यक्ष श्रीमती शताब्दी पाण्डेय, अपेक्स बैंक के अध्यक्ष श्री अशोक बजाज, रायपुर विकास प्राधिकरण के अध्यक्ष श्री संजय श्रीवास्तव घलोक ए अवसर म उपस्थित रहिन।
समारोह मं मुख्य न्यायाधीश श्री थोट्टाथील भास्करन नायर राधाकृष्णन के धर्मपत्नी श्रीमती मीरा राधाकृष्णन संग ऊंखर परिजन अउ केरल उच्‍च न्यायालय के बहुत झन न्यायाधिपति, छत्तीसगढ़ उच्‍च न्यायालय के न्यायाधिपति श्री प्रशांत कुमार मिश्रा, श्री मनीन्द्र मोहन श्रीवास्तव, श्री संजय के. अग्रवाल, श्री पी. सैम कोशी, श्री चन्द्रभूषण वाजपेयी, श्री आर. से. एस. सामंत, श्री अनिल कुमार शुक्ला उपस्थित रहिन। ए अवसर म अपर मुख्य सचिव श्री एन. के. असवाल, अपर मुख्य सचिव श्री एम. के. राउत, अपर मुख्य सचिव श्री एन. बैजेन्द्र कुमार, अपर मुख्य सचिव श्री सुनील कुजूर, प्रमुख सचिव श्री अमिताभ जैन, प्रमुख सचिव श्री के.डी.पी. राव, विधानसभा प्रमुख सचिव श्री देवेन्द्र वर्मा संग अड़बड़ झन वरिष्ठ प्रशासनिक अधिकारीगण उपस्थित रहिन।
शपथ ग्रहण समारोह कार्यक्रम के संचालन प्रदेश के मुख्य सचिव श्री विवेक ढांड हर करिन अउ भारत सरकार के वारंट के वाचन करिन। न्यायाधिपति श्री थोट्टाथील भास्करन नायर राधाकृष्णन हर ईश्वर के नाम म शपथ लीन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment