धूमा के किसान श्री साहू ल मिलीस भारत सरकार के पारम्परिक ज्ञान पुरस्कार

कलेक्टर ले करिन सौजन्य भेंट






धमतरी 28 मार्च 2017। कुरूद विकासखण्ड के प्रगतिशील सब्जी उत्पादक अउ किसान श्री लीलाराम साहू हर कृषि क्षेत्र म पारम्परिक खेती ल बढ़ावा देवत राष्ट्रीय नवप्रवर्तन प्रतिष्ठान भारत सरकार के उपक्रम ले पारम्परिक ज्ञान पुरस्कार हासिल करिस। ओ मन ल ये पुरस्कार नई दिल्ली म चार मार्च को देहे गीस। ये गौरव ओ मन ल बैंगन के संशोधित किसिम ‘निरंजन भाटा‘ के प्रादुर्भाव अउ सृजनशील बनाए बर प्रदान करे गीस। श्री साहू हर काल संझा कलेक्टर डॉ. ले.आर. प्रसन्ना ले ऊंखर कक्ष म भेंट कर एखर जानकारी दीन। कलेक्टर हर ओ मन ल अपन शुभकामना देवत पारम्परिक कृषि ल प्रोत्साहित करे बर ऊंखर नवाचार के प्रशंसा करिन अउ ऊंखर उज्ज्वल भविष्य के कामना करिन। श्री साहू हर ‘निरंजन भाटा‘ के नवा किसिम ले अपन पहिचान बनाइस, जेखर चलते राज्य कोति ले उंखर नाम पुरस्कार बर सामिल करे गए रहिस। मुलाकात के समय सहायक संचालक उद्यानिकी श्री विमल गौतम संग गांव धूमा के सरपंच अउ ग्रामीणजन उपस्थित रहिन।







loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment