प्रदेश के महिला मन सशक्तिकरण के संग पूरा देश म बनाये हें छत्तीसगढ़ के अलग पहिचान : डॉ. रमन सिंह

रायपुर, 08 मार्च 2017। मुख्यमंत्री डॉ. रमन सिंह आज इहां अंतर्राष्ट्रीय महिला दिवस के अवसर म पंडरी कपड़ा मार्केट तीर छत्तीसगढ़ हाट म आयोजित पांच दिवसीय ‘बिहान बाजार’ के समापन समारोह म मुख्य अतिथि के रूप म सामिल होइन। उमन ए अवसर म राजधानी संग शेष चार संभाग मुख्यालय मन म घलोक राष्ट्रीय ग्रामीण आजीविका मिशन के तहत महिला स्‍व सहायता समूह मन के द्वारा तइयार जिनिस मन के कारोबार बर स्थायी बाजार बनाए के घोषणा करिन।
उमन कार्यक्रम म सामिल महिला मन ल अतर्राष्ट्रीय महिला दिवस के बधाई अउ शुभकामना दीन अउ कहिन कि ये आयोजन एक महत्वपूर्ण अवसर म होवत हावय जब हमर प्रदेश संग पूरा विश्व म ए दिन ल अंतर्राष्ट्रीय महिला दिवस के रूप म मनाए जात हावय। ए कार्यक्रम म अलग-अलग जिला ले महिला स्वयं सहायता समूह गुणवत्तापूर्वक अउ विभिन्न प्रकार के उत्पाद ल विक्रय करे बर एकत्रित होण्‍ हावंय। बिहान बाजार के अइसन आयोजन ले प्रदेश के महिला मन निश्चित ही आत्मनिर्भर अउ सशक्त होहीं। प्रदेश के महिला मन ह सशक्तिकरण के संग पूरा देश म छत्तीसगढ़ के अलग पहिचान बनाए हावंय। स्वच्छ भारत मिशन म ऊंखर प्रदेश म करे गए कार्य के प्रधानमंत्री हर खुद सराहना करिन हावय।
कार्यक्रम म विधानसभा अध्यक्ष श्री गौरीशंकर अग्रवाल हर घलोक संबोधित करिस। पंचायत अउ ग्रामीण विकास मंत्री श्री अजय चन्द्राकार हर आभार प्रदर्शित करिस। कार्यक्रम म विभाग के अपर मुख्य सचिव श्री एम.के. राउत, सचिव श्री पी.से. मिश्रा, राष्ट्रीय ग्रामीण आजीविका मिशन के प्रबंध संचालक श्रीमती ऋतु सेन संग आन वरिष्ठ अधिकारी म न घलोक उपस्थित रहिन।








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment