मुख्यमंत्री हर करिन माहेश्वरी भवन के लोकार्पण

छत्तीसगढ़ के विकास म माहेश्वरी समाज के घलोक महत्वपूर्ण योगदान: डॉ. रमन सिंह
समाज के दानदाता मन ल करिन सम्मानित






रायपुर 26 मार्च 2017। मुख्यमंत्री डॉ रमन सिंह हर कहिन कि माहेश्वरी समाज नौकरी खोजइया नहीं, नौकरी देवइया समाज हावे। राज्य के विकास मं माहेश्वरी समाज के घलोक महत्वपूर्ण योगदान हावे। डॉ सिंह हर आज इहां डूंडा मं माहेश्वरी सभा रायपुर के सर्वसुविधायुक्त सामाजिक भवन के लोकार्पण करत-करत ए आशय के विचार प्रकट करिन। कार्यक्रम के अध्यक्षता अखिल भारतीय माहेश्वरी महासभा के सभापति श्री श्याम सुंदर सोनी हर करिन।
विधानसभा अध्यक्ष श्री गौरीशंकर अग्रवाल, कृषि मंत्री श्री बृजमोहन अग्रवाल, विधायक श्री श्रीचंद सुंदरानी , नगर निगम रायपुर के महापौर श्री प्रमोद दुबे, रायपुर विकास प्राधिकरण के अध्यक्ष श्री संजय श्रीवास्तव, पूर्व विधायक श्री नंद कुमार साहू अऊ पूर्व सांसद श्री प्रदीप गांधी विशेष अतिथि के रुप मं कार्यक्रम मं उपस्थित रहिन। डॉ. सिंह हर भव्य अऊ सर्वसुविधायुक्त भवन के प्रशंसा करिन। कार्यक्रम के अध्यक्षता करत श्री श्याम सुंदर सोनी हर कहिन कि आज समाज बर गौरव के दिन आए। समाजसेवा के क्षेत्र मं घलोक माहेश्वरी समाज अग्रणी समाज हावे। विधानसभा अध्यक्ष श्री गौरी शंकर अग्रवाल हर कहिन कि ये समाज सब्बो क्षेत्रों मं अग्रणी समाज हे। ये भवन समाज के गौरव बढ़ाही। उमन भवन के लोकार्पण म समाज के लोगन ल बधाई अऊ शुभकामना दीन। कृषि मंत्री श्री बृजमोहन अग्रवाल हर कहिन कि ये भवन समाज के संगठन अऊ आगू बढ़े के चिनहा आए। उमन आशा जताई कि ये भवन सब्बो समाजों बर उपयोगी साबित होही। ये भवन समाज के तरक्की मं घलोक सहायक साबित होही। मुख्यमंत्री हर ए अवसर म ए भवन के निर्माण मं सहयोग करइया समाज के सदस्य मन ल शाल अऊ प्रशस्ति पत्र प्रदान करके सम्मानित करिन। माहेश्वरी सभा रायपुर के अध्यक्ष श्री विजय कुमार दम्मानी हर स्वागत भाषण दीन। ए अवसर म सर्वश्री रामपाल सोनी, विटठल मुंदड़ा, संदीप काबरा, सुरेश बागड़ी, दीपक लाखोटिया संग समाज के बहुत अकन पदाधिकारी अऊ सदस्य उपस्थित रहिन।







loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment