केरोसिन हॉकर्स कुटुंब समेत निकलिन विधानसभा घेरे ल





रायपुर, 20 मार्च 2017। छत्तीसगढ़ के राजधानी रायपुर के सड़क म आज ओ समय एक अलगे नजारा दिखीस जब 1200 माटी तेल बेंचईया मन अपन रिक्शा टैंकर अउ परिवार समेत एक संग निकलिन। ये हॉकर्स मन आज कुटुंब समेत टैंकर लेके विधानसभा के घेराव करे निकले रहिन। पुलिस हर ओ मन ल अग्रसेन चौक म रोक लीस अउ आगू नइ बढ़न दीस। मिट्टीतेल हॉकर्स एसोसिएशन के बैनर तले विधानसभा घेरे निकले हॉकर मन हर सरकार उपर आरोप लगाये हावंय कि राशन दुकान मन म मिट्टी तेल वितरण के मात्रा बढ़ा दे गए हावय जबकि सप्लाई म बड़ कटौती कर दे गए हावय।
हॉकर्स के मुताबिक पहिली 600 लीटर हर महीना मिट्टीतेल सरकार ह वितरण बर देवय जेमां कटौती करके अब 85 लीटर कर देहे हे। उहें राशन दुकान मन म अब जादा लोगन मन ल तेल मिलत हावय। हॉकर मन हर चेतावनी दे हावय कि ओखर मांग नइ माने जाही त ओ मन सामूहिक आत्मदाह कर लीहीं।
बता देवन कि राज्य शासन हर एक अपरेल ले मोहल्ला मन म मिट्टी तेल बेचइया हॉकर्स मन ल दे जाने वाला मिट्टी तेल के मात्रा म सात गुना से जादा के कमी कर दे गए हे। एखर से ओमन म नाराजगी हावय। मिट्टी तेल ईंधन पूर्ति सेवा संघ एखर विरोध करत 8 मार्च ले प्रदेशव्यापी रैली निकाल के अउ कलेक्टर ल ज्ञापन सौंपके फैसला वापस लेहे के मांग कर चुके हावय। अभी हाल म कार्डधारी मन ल राशन दुकान मन म सब्सिडी के संग मिट्टी तेल मिलत हावय। एक अपरेल ले गैस के जइसन केरोसिन के सब्सिडी ऊंखर खाता म जमा होही। पहिली चरण म ये वाले व्यवस्था राज्य के तीन जिला बिलासपुर, रायपुर व दुर्ग म शुरू होवत हावय। राशन दुकान मन म हितग्राही मन ल बाजार रेट अनुमानित 28 रुपए लीटर के हिसाब ले भुगतान करना होही। राशन दुकान मन म मिट्टी तेल के रेट 15.75 रुपए प्रति लीटर हावय। जबकि बाजार रेट करीबन 28 रुपए हावय। ए हिसाब ले हितग्राही के खाता म 12.25 रुपए प्रति लीटर सब्सिडी के रूप म जमा होही। फेर ये सब्सिडी केवल ओही कार्डधारी मन ल मिलही, जउन राशन दुकान मन म अपन खाता नंबर देहे हावंय। एक अऊ फैसला के तहत हॉकर्स मन ल महीना म 600 लीटर मिट्टी तेल के जघा सिरिफ 85 लीटर मिट्टी तेल देहे के फैसला घलोक ले गए हावय। एखर ले हॉकर्स मन म नाराजगी हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment