पेंड्रावन जलाशय म खनिज विभाग ल दे गे एनओसी निरस्त करे के बृजमोहन ह दीस आस्वासन

रायपुर, 03 मार्च 2017। पेंड्रावन जलाशय म खनिज विभाग ल दे गे एनओसी ऊपर होवत शंका  ल दूर करत एला निरस्त करे के आस्वासन प्रदेश के कृषि अउ सिंचाई मंत्री बृजमोहन अग्रवाल हर काली दीस।

श्री अग्रवाल बीते रात पेंड्रावन बंगोली के विश्रामगृह पहुंचिन। जिहां म उमन पेंड्रावन जलाशय संघर्ष समिति के सदस्य मन,  किसान मन संग विधायक देवजी भाई पटेल अउ नवीन मारकंडे के उपस्थिति में  कहिन कि खनिज विभाग ल दे गे एनओसी ल लेके शंका हावे। अइसन मं किसान मन  के भावना ल देखत सरकार ह एनओसी निरस्त करे के निर्णय लेहे हे।

श्री अग्रवाल ह किसान मन ल सम्बोधित करत-करत कहिन कि किसान मन के बेहतरी बर हम वचनबद्ध हवन। सरकार अइसन कोनो काम नइ करय जेमा  किसान मन के अहित होवय। हमन इहां के विकास बर 40 करोड़ के काम स्वीकृत घलोक करे हवन। जेमा 17 करोड़ के टेंडर हो चुके हावे।  पेंड्रावन बांध एक अच्छा पर्यटन स्थल बने एखर बर घलोक हम प्रयासरत हावन।

एनओसी ल लेकर जऊन विवाद पैदा होय हावे, ओ म विराम लगाय के निर्णय हम लेहे हवन। हर खेत तक पानी पहुंचे, हर किसान खुशहाल बने एही सोंच के संग हम काम करत हवन।हमर सरकार अइसन कोनो निर्णय नइ लेवय जेमा किसान मन के अहित हो।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment