छत्तीसगढ़ ग्रामीण रोजगार गारंटी परिषद के बैठक

मुख्यमंत्री हर पानी बचाय बर डबरी-तालाब अऊ कुंआ निर्माण म दीन जोर
राज्य मं मनरेगा के तहत बीस लाख ले जादा परिवार मन ल मिलीस रोजगार






रायपुर 24 मार्च 2017। मुख्यमंत्री डॉ. रमन सिंह हर राज्य मं पानी बचाय अऊ जल संरक्षण बर मनरेगा के तहत जादा ले जादा संख्या मं डबरी, तालाब अऊ कुंवा के निर्माण करे के जरूरत म बल दीन हावे। डॉ. सिंह आज इहां विधानसभा परिसर स्थित समिति कक्ष मं छत्तीसगढ़ ग्रामीण रोजगार गारंटी परिषद के बैठक मं राज्य के कई जिला मं महात्मा गांधी राष्ट्रीय ग्रामीण रोजगार गारंटी योजना (मनरेगा) के तहत होवत कार्य मन के समीक्षा करत रहिन। डॉ. सिंह हर सरगुजा अऊ बस्तर संभाग मन मं मनरेगा के तहत कम से कम पांच-पांच सौ कुंवा खोदवाए के घलोक निर्देश दीन। उमन कहिन कि ए कुंवां मन मं सोलर पम्प लगाके पेयजल आपूर्ति घलोक करे जा सकत हावे।
मुख्यमंत्री हर अधिकारी मन ल मनरेगा के तहत होवइया वृक्षारोपण कार्य मन मं अर्जुन के एक करोड़ पौधा लगवाए के घलोक निर्देश दीन। डॉ. सिंह हर कहिन कि ग्रामीण क्षेत्र मन मं अर्जुन के वृक्ष मन म रेशम कृमिपालन के संग जादा ले जादा संख्या मं कोसा ककून तइयार होही, जेखर ले ग्रामीण मन ल अतिरिक्त आमदनी के एक अच्छा जरिया मिलही अऊ राज्य मं रेशम उद्योग के घलोक विकास होही। बैठक मं बताय गीस कि मनरेगा के तहत राज्य मं चालू वित्तीय साल 2016-17 मं आज तक के स्थिति मं बीस लाख 59 हजार परिवार मन ल लगभग 900 मानव दिवस के रोजगार देहे जा चुके हावे। मुख्यमंत्री हर अधिकारि मन ल मनरेगा श्रमिक मन के नियमित मजदूरी भुगतान म विशेष रूप ले ध्यान दे के निर्देश दीन।
डॉ. सिंह हर ए बात म खुशी जताईन कि पंचायत अऊ ग्रामीण विकास विभाग ले मनरेगा के तहत राज्य मं जल संरक्षण बर पाछू वित्तीय साल 2015-16 मं लगभग तीन हजार अऊ अभी हाल के वित्तीय साल 2016-17 मं करीब चार हजार तालाब मन के निर्माण पूरा कर लेहे गए हे। एखर ले लगभग 33 हजार हेक्टेयर मं सिंचाई हो सकही अऊ भू-जल स्तर मं घलोक वृद्धि होही। ए दू बछर मं सरलग पांच हजार 851 अऊ 1475 तालाब मन के गहरीकरण करे गए हे। ए दौरान दुनों वित्तीय वर्ष मं साढ़े चार हजार ले जादा कुंवा अऊ करीब साढ़े पांच सौ चेकडेम घलोक बनवाए गए हावे। सिंचाई नहर मन के लाईनिंग के काम घलोक मनरेगा मं लेहे जात हावे। साल 2015-16 मं नहर लाईनिंग के 1324 काम पूर्ण करे गए हे, जेमा छह हजार 301 हेक्टेयर मं सिंचाई क्षेत्र के विस्तार होय हे, उहें साल 2016-17 मं नहर लाईनिंग के 636 काम पूर्ण कर 1308 हेक्टेयर मं सिंचाई क्षमता विकसित करे गए हे।
बैठक मं पंचायत अऊ ग्रामीण विकास मंत्री श्री अजय चंद्राकर, कृषि अऊ जल संसाधन मंत्री श्री बृजमोहन अग्रवाल, वन मंत्री श्री महेश गागड़ा, श्रम अउर खेल अऊ युवा कल्याण मंत्री श्री भईयालाल राजवाड़े, राज्य योजना आयोग के उपाध्यक्ष श्री सुनिल कुमार, मुख्य सचिव श्री विवेक ढांड, पंचायत अऊ ग्रामीण विकास विभाग के अपर मुख्य सचिव श्री एम.के. राउत अऊ सचिव श्री पी.से. मिश्रा अउर अऊर वरिष्ठ अधिकारी उपस्थित रहिन। अशासकीय सदस्य मन मं श्रीमती जबिता मंडावी, श्रीमती माया बेलचंदन, श्रीमती सरला कोसरिया अऊ सर्वश्री समीउल्ला खान, मनोज चंद्राकर अऊ दीपक साहू घलोक बैठक मं मौजूद रहिन।







loading...


Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment