केन्द्रीय गृह मत्री अऊ मुख्यमत्री पहुंचिन अस्पताल

नक्सल हमला म घायल जवान मन से करिन मुलाकात






रायपुर, 11 मार्च 2017। केन्द्रीय गृह मत्री श्री राजनाथ सिंह अऊ मुख्यमत्री डॉ. रमन सिंह ह आज रात राजधानी रायपुर के देवेन्द्र नगर स्थित एक प्राईवेट अस्पताल पहुंचके उहां दाखिल केन्द्रीय रिजर्व पुलिस बल (सीआरपीएफ) के दू घायल जवान श्री जयदेव अऊ श्री मोहम्मद सलीम ले मुलाकात करिन अऊ जल्द स्वास्थ्य लाभ बर ओ मन ल शुभकामना दीन। उमन डॉक्टर मन ले घलोक दुनों के सेहत के बारे म पूछिन। संगें-संग डॉक्टर मन ल उंखर बेहतर से बेहतर इलाज करे बर कहिन। मुख्यमत्री डॉ. रमन सिंह हर घायल जवान मन के एक्सरे रिपोट घलोक देखीन। आप मन जानतेच होहू कि ये दुनों जवान आज बिहनिया सुकमा जिला म इंजरम-भेज्जी मार्ग म नक्सल हमला म घायल हो गए रहिन, जेमन ल हेलीकॉप्टर ले रायपुर लाके बेहतर इलाज बर ए अस्पताल म भर्ती करवाए गीस। केन्द्रीय गृह मत्री अऊ मुख्यमत्री हर दुनों घायल जवान मन के हौसला बढ़ाइन अऊ ऊंखर जल्द स्वास्थ्य लाभ के कामना करिन। श्री राजनाथ सिंह हर घायल जवान मन ल विश्वास दिलाइस कि ऊंखर इलाज के पूरा खर्च सरकार वहन करही। उमन दुनों एन से कहिन कि सरकार आप मन के संग हे। कहूं आप मन के परिजन इहां आना चाहंय त ऊंखर आए-जाये के व्यवस्था घलोक सरकार के तरफ से करे जाही। घायल जवान श्री जयदेव पश्चिम बंगाल के अऊ श्री मोहम्मद सलीम गुलमर्ग (जम्मू-कश्मीर) के निवासी आए। केन्द्रीय गृह मत्री अऊ मुख्यमत्री के संग अस्पताल म राज्य शासन के गृह विभाग के प्रमुख सचिव श्री बी.व्ही.आर. सुब्रमण्यम, पुलिस महानिदेशक श्री ए.एन. उपाध्याय अऊ श्री डी.एम. अवस्थी संग से.आर.पी.एफ के महानिरीक्षक डॉ. देवेन्द्र सिंह चौहान, उप महानिरीक्षक श्री ए.के. सिंह अउ आन वरिष्ठ अधिकारी उपस्थित रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment