मुख्यमत्री हर सुकमा जिला म नक्सल हमला के तीव्र निन्दा करिन

ये वारदात नक्सली मन के बौखलाहट अऊ कायरता के परिचायक : डॉ. रमन सिंह




रायपुर, 11 मार्च 2017। छत्तीसगढ़ के मुख्यमत्री डॉ. रमन सिंह हर आज बिहनिया राज्य के बस्तर संभाग के सुकमा जिला म नक्सली मन के केन्द्रीय रिजर्व पुलिस बल (सीआरपीएफ) के जवान मन उपर घात लगाके करे हमला के कठोर शब्द म तीव्र निन्दा करिस।
डॉ. सिंह हर ए हमला म शहीद जवान मन ल श्रद्धांजलि अर्पित करत-करत ऊंखर शोक संतप्त परिवार के प्रति अपन संवेदना अऊ सहानुभूति प्रकट करिन। डॉ. सिंह हर कहिल कि शहीद जवान मन के पारिवारिक शोक के ए घड़ी म हम सब ऊंखर संग हन। उमन कहिन कि आदिवासी बहुल बस्तर संभाग के आखरी छोर के जिला सुकमा म सीआरपीएफ के जवान ग्राम इंजरम-भेज्जी के निर्माणाधीन सड़क के निर्माण कार्य ल सुरक्षा दे बर रोड ओपनिंग के ड्यूटी म निकले रहिन। नक्सली मन उखंर उपर लुकाके हमला करिन। हमार बहादुर जवान मन ऊंखर हमला के अदम्य साहस अऊ वीरता के संग मुकाबला करिन। मुख्यमत्री हर कहिस कि सीआरपीएफ के जवान मन हर लोकतंत्र के रक्षा अऊ बस्तर अंचल अउ सुकमा जिला के विकास बर कर्त्तव्य पालन करत-करत अपन प्राण के आहुति दे दीन। उंखर ये बलिदान व्यर्थ नइ जाए। सुरक्षा बल के लगातार बढ़त दबाव के कारन बस्तर संभाग म नक्सली मन के पैर उखड़े लगे हावे। ए खातिर ओ मन बौखला गे हें अऊ बौखलाहट म ए प्रकार के हिंसक वारदात करत हें, जऊन उंखर कायरतापूर्ण मानसिकता के परिचायक हे।
वारदात के सूचना मिलतच मुख्यमत्री हर सबले पहिली प्रधानमत्री श्री नरेन्द्र मोदी अऊ केन्द्रीय गृह मत्री श्री राजनाथ सिंह ल टेलीफोन म एखर जानकारी दीन। एखर बाद डॉ. सिंह हर इहां अपन निवास कार्यालय म गृह विभाग अऊ राज्य पुलिस के वरिष्ठ अधिकारी मन के आपात बैठक लेके स्थिति के समीक्षा करिन। उमन राज्य पुलिस के अधिकारी मन ल केन्द्रीय रिजर्व पुलिस बल के संग मिलके सुकमा जिला म अऊ सम्पूर्ण बस्तर संभाग के नक्सल प्रभावित इलाका मन म सतर्कता बढ़ाए अऊ ए वारदात के अपराधी के युद्धस्तर म पता लगाय अउ ओ मन ल गिरफ्तार करे के निर्देश दीन।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment