पीडीएस के बारीकी समझे अधिकारी मन के संग यूपी के दू मंत्री पहुचिन रायपुर



style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">


रायपुर, 31 मार्च 2017। यूपी के योगी सरकार के दू मंत्री साहेब मन के टीम के संग छत्तीसगढ़ के सार्वजनिक वितरण प्रणाली के अध्ययन करे रायपुर पहुचिन। यूपी के मंत्री लक्ष्मीनारायण चौधरी अउ खाद्य मंत्री अतुल गर्ग विभाग के अधिकारी मन से घलोक चर्चा करिन। एखर बाद मुख्यमंत्री रमन सिंह से घलोक मुलाकात करहीं। मुख्यमंत्री से मुलाकात के बाद काली मने सनिवार को दुनों मंत्री धान खरीदी केंद्र मन अउ पीडीएस दुकान मन के निरीक्षण करहीं।
यूपी सरकार के एक अगुवा टीम पहिलीच से ही छत्तीसगढ़ पहुंच गए रहिस हावय। दुनों मंत्री मन के मुताबिक उमन छत्तीसगढ़ के पीडीएस सिसटम के अड़बड़ तारीफ सुनें रहिन। वो मन अपन प्रदेश म घलोक इहां के ए सफल मॉडल ल लागू करे के कोसिस करहीं। आप मन तो जानतेच हव के यूपी के मुख्यमंत्री आदित्यनाथ योगी मुख्यमंत्री बने के बाद उमन पहली पइत जब गोरखपुर गइन, तब उमन छत्तीसगढ़ के सार्वजनिक वितरण प्रणाली के तारीफ करत ओला यूपी म लागू करे के ऐलान करे रहिन। संगें संग बिहार के मुख्यमंत्री नीतीश कुमार घलोक छत्तीसगढ़ के पीडीएस सिसटम के तारीफ करे रहिस।
खाद्य, नागरिक आपूर्ति अउ उपभोक्ता संरक्षण मंत्री श्री पुन्नूलाल मोहले हर आज बिहनिया इहां नवीन थिरावन भवन म उत्तर प्रदेश के खाद्य मंत्री श्री अतुल गर्ग अउ कृषि मंत्री चौधरी लक्ष्मीनारायण के आत्मीय स्वागत करिस। सार्वजनिक वितरण प्रणाली (पीडीएस) के ‘छत्तीसगढ़ मॉडल’ ले प्रभावित उत्तर प्रदेश के मुख्यमंत्री योगी आदित्य नाथ के प्रतिनिधि के रूप म उहां के खाद्य मंत्री श्री अतुल गर्ग अउ कृषि मंत्री चौधरी लक्ष्मी नारायण रायपुर प्रवास म आए हावय। उत्तर प्रदेश के दुनों मंत्री मन हर आज मंझनिया इहां मंत्रालय (महानदी भवन) म खाद्य मंत्री श्री मोहले अउ छत्तीसगढ़ सरकार के अधिकारी मन के संग होए बैठक म दुनों मंत्री मन हर छत्तीसगढ़ सरकार के पीडीएस के तहत धान उपार्जन अउ राशन वितरण के जम्‍मो प्रक्रिया के बारे म एक प्रस्तुतिकरण घलोक देखिन। उमन हर छत्तीसगढ़ सरकार के सार्वजनिक वितरण प्रणाली के प्रशंसा करिन।


style="display:block"
data-ad-client="ca-pub-3208634751415787"
data-ad-slot="6745940556"
data-ad-format="auto">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment