महिला मन ल शिकार बनाने वाला शातिर ह Twitter के मदद ले पकड़ईस





रायपुर। रायपुर पुलिस ह एक अइसन मनखे ल गिरफ्तार करे हे जऊन अकेल्‍ली अऊ विधवा महिला मन ल ठगय। 12वीं पास ये शातिर ह महिला मन ल अपन प्यार के जाल मं फंसाके अब तक अड़बड़ झन महिला मन ल ठगी डरे हवय। पुलिस ह आरोपी ल ट्विटर अकाउंट के मदद ले गिरफ्तार करिस। आरोपी के नाम आर्यन अग्रवाल हे वो मूलतः राजस्थान के निवासी आए। पेशा से कैटरिंग सुपरवाइजर ये टूरा आरोपी ह अभी तक करीबन 17 महिला मन ल ठगी डरे हे। आरोपी एक जघा म जादा दिन तक नइ रुकत रहिस अऊ हर महिना अपन ठिकाना बदल लेत रहिस। अभी आरोपी ह रेलवे मं कैटरिंग के ठेका लेहे के काम करत रहिस अऊ महिला मन ल अपन जाल मं फंसाए बर खुद ल रेलवे अफसर बतात रहिस।
कइ झन महिला मन जब रायपुर पुलिस मेरन शिकायत करिन त पुलिस आरोपी के तलाश मं जुटिस। फेर वोकर घेरी-बेरी जघा बदलइ के कारन पुलिस आरोपी ल तलाश नइ कर पात ररहिस। आखिर मं आरोपी ट्विटर के जरिया पकड़ मं आइस। दरअसल आरोपी के 13 ट्विटर अकाउंट रहिस अऊ वो रेलवे कैटरिंग के खिलाफ अकसर ट्वीट करत रहिस। पुलिस ह इही ट्विटर अकाउंट के जरिए आरोपी के पता लगाइस त आरोपी पकड़े गइस। पुलिस ह आरोपी तीर से आधा दर्जन मोबाइल, एटीएम कार्ड, सिम कार्ड बरामद करे हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment