छत्तीसगढ़ के 10 हजार ग्राम पंचायत मन ल इंटरनेट ले जोड़े बर मुख्यमंत्री के उदीम

डॉ. रमन सिंह हर केन्द्रीय दूरसंचार मंत्री श्री मनोज सिन्हा ले करिन मुलाकात 

रायपुर, 11 अपरेल 2017। छत्तीसगढ़ के 10 हजार ग्राम पंचायत मन ल भारत नेट के तहत इंटरनेट ले जोड़े जाही। ये सहमति काली छत्तीसगढ़ के मुख्यमंत्री डॉ. रमन सिंह अऊ केन्द्रीय दूरसंचार मंत्री श्री मनोज सिन्हा के बीच होए बैठक मं बनिस। मुख्यमंत्री डॉ. रमन सिंह हर बैठक के समय केन्द्रीय दूरसंचार मंत्री ल छत्तीसगढ़ के दूरस्थ आदिवासी इलाका मन मं राज्य सरकार कोति ले संचार सेवा पहुचाए बर करे जात उदीम के जानकारी दीन अऊ उनखर सहयोग के मांग करिन। बैठक मं मुख्यमंत्री के प्रमुख सचिव श्री अमन कुमार सिंह घलोक उपस्थित रहिन। 

 मुख्यमंत्री डॉ. रमन सिंह हर बताइन कि पहिली चरण मं 4000 ग्राम पंचायत मन मं OF के तहत मई 2017 तक कनेक्टिविटी पहुंचाये के लक्ष्य रखे गए हवे। एखर बाद दूसर चरण मं 5987 ग्राम पंचायत मन मं भारत नेट के तहत दिसम्बर 2018 तक कनेक्टिविटी पहुँचाये के कार्ययोजना बनाये गे हवे। एखर बर आघू दू बछर मं भारत सरकार ह देवैया हे। मुख्यमंत्री ह केन्द्रीय दूरसंचार मंत्री ल बताइस कि छत्तीसगढ़ मं प्रधानमंत्री जी के प्राथमिकता के जैम ट्रिनिटी मं जनधन अऊ आधार के लक्ष्य के पूर्ति तो हो गए हावे, फेर मोबाईल कनेक्टिविटी के क्षेत्र मं हम पिछड़त हन। भारत नेट योजना के तहत हम ए दिशा मं हम लउहे आगू बढ़ जाबोन। उमन कहिन कि एखर बर केन्द्र सरकार ले  अधिक सहयोग के जरूरत हावे। केन्द्र सरकार छत्तीसगढ़ मं एखर क्रियान्वयन ल मॉडल बना के आन राज्य के जइसे घलोक प्रस्तुत कर सकत हावे। केन्द्रीय दूरसंचार मंत्री श्री मनोज सिन्हा हर मुख्यमंत्री ले सहमत होत कहिन कि केन्द्र सरकार भारत नेट योजना के तहत छत्तीसगढ़ ल हर संभव सहयोग करही।  
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment