मंत्रालय म मनाए गीस 11वां सिविल सेवा दिवस : मुख्य सचिव हर अधिकारी-कर्मचारी मन ल दीन बधाई

नगरीय प्रशासन, उद्योग, वन अउ गृह विभाग हर दीस प्रस्तुतिकरण
मुख्य सचिव संग वरिष्ठ अधिकारी मन ह देखिन प्रधानमंत्री के उद्बोधन के सीधा प्रसारण






रायपुर, 21 अप्रैल 2017। सिविल सेवा दिवस के अवसर म आज इहां मंत्रालय (महानदी भवन) म मुख्य सचिव के अध्यक्षता म कार्यक्रम आयोजित करे गीस। कार्यक्रम म अपर मुख्य सचिव पंचायत अउ ग्रामीण विकास श्री एम.के. राउत संग भारतीय प्रशासनिक सेवा, भारतीय वन सेवा, भारतीय पुलिस सेवा, राज्य प्रशासनिक सेवा, मंत्रालयीन सेवा अउ कई ठन विभाग मन के वरिष्ठ अधिकारी उपस्थित रहिन। ए अवसर म विज्ञान भवन, नवा दिल्ली म आयोजित ग्यारहवां सिविल सेवा दिवस कार्यक्रम म प्रधानमंत्री श्री नरेन्द्र मोदी के दे गए उद्बोधन के सीधा प्रसारण घलोक देखिन।
कार्यक्रम म मुख्य सचिव श्री ढांड हर सिविल सेवा दिवस के अवसर म जम्‍मो अधिकारी मन ल बधाई दीन। उमन अपन संबोधन म कहिन कि आज के दिन हम जम्‍मो बर आत्म अवलोकन के दिन आए। हमला जनसेवा के क्षेत्र म हर चुनौती के सामना करके लोगन के विश्वास के कासौटी म खरा उतरना होही। उमन कहिन कि नवा पीढ़ी के अधिकारी शिक्षा, स्वास्थ्य, स्वच्छता, सुरक्षा संग हर क्षेत्र म अच्छा काम करे बर आगू बढ़त हें। श्री ढांड हर उंखर उपलब्धि मन के प्रशंसा करिन। उमन समय बदले के संगें-संग नवा तकनीक के परयोग करत आगू अउ बेहतर काम करे बर अधिकारी मन ल प्रेरित करिन। श्री ढांड हर केन्द्र अउ राज्य सरकार के प्राथमिकता वाले योजना मन के सफल क्रियान्वयन बर अधिकारी मन के भूमिका के घलोक तारीफ करिन। उमन कहिन कि स्वच्छता मिशन के तहत छत्तीसगढ़ म आन राज्य मन के अपेक्षा खुले म शौचमुक्त (ओ.डी.एफ.) क्षेत्र म बेहतर काम करे गण्‍ हे। प्रदेश म 80 प्रतिशत मनखे अब शौचालय के उपयोग करे लगे हें। अइसनहे उज्जवला योजना के तहत महिला मन ल रसोई गैस कनेक्शन वितरण के क्षेत्र म बेहतर उपलब्धि मिले हवय। उमन सिविल सेवा दिवस के अवसर म छत्तीसगढ़ के दंतेवाड़ा जिला कलेक्टर श्री सौरभ कुमार ल नक्सल प्रभावित क्षेत्र म कैशलेस प्रणाली शुरू करे बर प्रधानमंत्री ले पुरस्कार मिले म ओ मन ल बधाई अउ शुभकाना दीन। श्री ढांड हर छत्तीसगढ़ माध्यमिक शिक्षा मण्डल से आज घोषित दसवी कक्षा के परीक्षा परिणाम के मेरिट सूची के सब्बो लइका मन ल घलो बधाई दीन। उमन कहिन कि शिक्षा के क्षेत्र म जशपुर जइसन दूरस्थ अंचल घलोक काफी आगू बढ़त हे। उमन जशपुर के श्री महेन्द्र कुमार बेहार अउ श्री अनूप भगत के नाम मेरिट सूची म आए म ओ मन ल बधाई अउ शुभकामना दीन।
ए अवसर म नगरीय प्रशासन विभाग के विशेष सचिव डॉ. रोहित यादव हर अम्बिकापुर म अपशिष्ट प्रबंधन उपर प्रस्तुति दीन। उमन बताइन कि कचरा ले आर्गेनिक अउ अनआर्गेनिक म बांट के अम्बिकापुर म ना सिरिफ खाद के उत्‍पादन करे जावत हे भलुक नइ सरइया कचरा ल रिसाईकिल करके विक्रय करके प्रति साल आठ ले नौ लाख रूपए के राजस्व घलोक प्राप्त करे जात हवय। पुलिस अधीक्षक महासमुंद श्रीमती नेहा चंपावत हर प्रस्तुतिकरण के संग बताइन कि यूनीसेफ के सहयोग ले ’’हमर पुलिस-हमर संग’’ कार्यक्रम चालाए जात हवय। एकर मुख्य उद्देश्य अपराध होए के पहिलीच अवस्यक बच्चा मन ल ऊंखर प्रति होए वाले या ऊंखर ले करे जाय वाले अपराधों के प्रति जागरूक करे जाना हावय। एखर तहत जिला के सब्बो पांच विकासखण्ड मन म अब तक 15 हजार बालिका मन ल आत्मरक्षा बर प्रशिक्षित करे जा चुके हावय। संचालक उद्योग श्री कार्तिकेय गोयल हर केन्द्र सरकार के स्टेण्ड अप इंडिया कार्यक्रम के छत्तीसगढ़ म क्रियान्वयन के बारे म बताइन। उमन बताइन कि ’’इज ऑफ डूईंग बिजनेस’’ म छत्तीसगढ़ देश म चौउथा स्थान म हावय। उमन ये घलोक बताइन कि देश के पहला कमर्शियल कोर्ट छत्तीसगढ़ के नवा रायपुर म बनाए गए हावय। बिलासपुर वृत्त के मुख्य वन संरक्षक श्री आनंद बाबू हर छत्तीसगढ़ म हाथी मन ले हर साल होत जान-माल हानि ले निपटे बर गजराज प्रबंधन के बारे म बताइन। उमन बताइन कि वन विभाग ले वो स्थान मन ल चिन्हित करे गए हे, जिहां हाथी खाए अउ पानी के तलाश म आथें। उमन ये घलोक बताइन कि वो चिन्हित स्थान मन म पानी बर तालाब अउ खाए के प्रबंध करे अउ आम आदमी ल वो क्षेत्र मन म कुछ समय बर प्रवेश वर्जित करके हाथी मन के हमला ले होवइया नुकसान ल काफी कम करे जा सकत हावय।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">


Chief Secretary greets officers-employees on 11th Civil Services' Day at Mantralaya
Top bureaucrats belonging to Indian Administrative Services, Indian Forest Service, Indian Police Services, Sate Administrative Services and officers of several departments were present at the 11th Civil Services Day at the Mantralaya. Prime Minister Mr. Narendra Modi's address on the occasion of Civil Services Day in New Delhi was also telecast live here.

Chief Secretary Mr. Vivek Dhand congratulated the officers. The day is meant for introspection for all the bureaucrats. He added that the new breed of officers are working relentlessly in education, health,Swachh, security and many other fields. He called upon the officers to use technology and redress the grievances of the common masses. He revealed that 80 per cent citizens in the State are using toilets which is great achievement .
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment