लोक सुराज अभियान 2017 : जशोमति के घर घलोक अब दूधिया अंजोर ले जगमगाही

​मुख्यमंत्री हर समाधान शिविर मं दीन तीन एलईडी लैम्प

रायपुर, 03 अपरेल 2017। जशोमति के घर घलोक अब एलईडी बलब के दूधिया अंजोर ले जगमगाही। मुख्यमंत्री डॉ. रमन सिंह हर आज बस्तर जिला के ग्राम तितिरगांव (जगदलपुर) मं लोक सुराज अभियान के तीसर चरण के पहिली दिन म आयोजित समाधान शिविर मं जशोमति ल अपन हाथ ले तीन एलईडी बल्ब निःशुल्क भेंट करके शुभकामनाएं दीस। आप मन ल बता दन कि लोक सुराज अभियान के पहिली चरण मं फरवरी महीना के आखिरी हफ्ता मं लगाए गे आवेदन संकलन शिविर मं जशोमति हर अपन घर मं एकल बत्ती बिजली कनेक्शन बर आवेदन प्रस्तुत करे रहिस। आज समाधान शिविर के आयोजन के पहिलिच दिन ऊंखर आवेदन म लउहे कार्रवाई करे गीस अऊ ऊंखर घर मं एकल बत्ती कनेक्शन दे दिए गीस। जशोमति समाधान शिविर मं पहुंचे रहिस, जिहां ऊंखर आवेदन के निराकरण के बारे मं ओ मन ल बताय गीस। मुख्यमंत्री हर जशोमति सहित कई महिला मन ल अपन हाथ म तीन-तीन एलईडी निःशुल्क प्रदान करिस उमन जशोमति ल बताइस कि ए बलब से बिजली के बचत होगी। जशोमति हर एखर खातिर मुख्यमंत्री ल धन्यवाद दीस। 
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment