स्कूल शिक्षा मंत्री हर गांड़ा समाज के 32 प्रतिभावान छात्र-छात्रा मन के करे गीस सम्मानित






रायपुर, 28 अप्रैल 2017। स्कूल शिक्षा मंत्री श्री केदार कश्यप ह आज बिहनिया राजधानी के अपन निवास कार्यालय मं रायपुर नगर के अन्तर्गत गांड़ा समाज के 32 प्रतिभावान छात्र-छात्रा मन ल प्रमाण-पत्र देके सम्मानित करिस अऊ ऊंखर उज्जवल भविष्य बर शुभकामना दीन। ये जम्‍मो छात्र-छात्रा मन कक्षा दसवीं अऊ बारहवीं मं बोर्ड परीक्षा मं अच्छा अंक ले उत्तीर्ण होए हें। ए मन ल प्रोत्साहित करे बर कार्यक्रम के आयोजन गांड़ा महासभा के क्षेत्रीय इकाई रायपुर कोति ले करे गीस। ए अवसर म श्री कश्यप हर जम्‍मो बच्चा मन ल भरपूर प्रोत्साहन करे गीस अऊ ओ मन ल आगू बढ़े बर खूब मन लगाके पढ़ाई-लिखाई बर कहिन। उमन बताइन कि शासन कोति ले गरीब अउ कमजोर वर्ग संग जम्‍मो वर्ग के उत्थान बर शिक्षा म विशेष जोर देहे जात हे। एखर तहत दूर-दराज अंचल अऊ गांव-गांव तक शिक्षण सुविधा मन के विस्तार करे जात हे। शासन के मंशा हे कि शिक्षा के लाभ उठाए मं कोनो मनखे वंचित मत हो। श्री कश्यप हर गरीब वर्ग के विद्यार्थी मन ल बेहतर अध्ययन के लाभ देवाए म प्रदेश मं संचालित प्रयास आवासीय विद्यालय, एकलव्य आवासीय विद्यालय अऊ दिल्ली स्थित ट्रायबल यूथ हॉस्टल आदि के बारे मं घलोक जानकारी दीन अऊ इंखर भरपूर लाभ उठाए बर कहिन। आज सम्मानित होए छात्र-छात्रा मन राजधानी रायपुर के विनोबा भावेनगर, शांतिनगर, पेंशनबाड़ा, त्रिमूर्ति नगर, शंकर नगर, डॉ. राजेन्द्र नगर, अरविन्द नगर, पंडरीतराई अऊ गीतानगर आदि मोहल्ला ले आए रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment