छत्तीसगढ़ के शिक्षाकर्मि मन बर अच्छा खबर हे, 600 से हजार रुपए तक बाढ़ही तनखा

रायपुर, 01 अपरेल 2017। राज्य सरकार हर प्रदेश के 1 लाख 80 हजार शिक्षाकर्मि नान ल 7 परसेंट महंगाई भत्ता दे के आदेश जारी कर दे हावे। ये भत्ता 1 जुलाई 2016 ले मिलही। ए आदेश के बाद आठ साल ले कम सेवा अवधि वाले शिक्षाकर्मि मन के भत्ता 132 ले बढ़ा के 139 फीसदी अऊ आठ साल ले जादा सेवा अवधि वाले शिक्षाकर्मि मन के भत्ता 125 ले बढ़ा के 132 फीसदी हो जाही। एखर ले शासन ल प्रति महिना करीब 14 करोड़ के अतिरिक्त भार पड़ही। उन्हें, शिक्षाकर्मि मन ल 600 ले 1000 रुपए प्रति महिना के फायदा होही।

एति शिक्षाकर्मि मन बर सातवा वेतनमान के घोषणा नइ होए ले नाराज शिक्षाकर्मी संघ मन हर चरणबद्ध आंदोलन के चेतावनी देहें हे। छत्तीसगढ़ पंचायत नगरीय निकाय शिक्षक संघ के प्रांताध्यक्ष संजय शर्मा अउ शालेय शिक्षाकर्मी संघ के प्रांताध्यक्ष वीरेन्द्र दुबे हर शिक्षाकर्मि मन ल छले के आरोप लगाये हावे। उमन कहीं कि सातवें वेतनमान के घोषणा नइ होए ले शिक्षाकर्मि मन के मन म आक्रोश हावे। उमन अपरेल मं शाला प्रवेशोत्सव के बहिष्कार करके सड़क म उतरहीं।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment