उज्ज्वला योजना मं 70 महिला मन ल मिलिस रसोई गैस कनेक्शन





रायपुर, 12 अप्रैल 2017। जम्हारी गांव के चौपाल मं उपस्थित महिला मन हर रसोई गैस मिले म मुख्यमंत्री डॉ. रमन सिंह के आभार प्रकट करिन। ए गांव मं प्रधानमंत्री उज्ज्वला योजना के अंतर्गत बी.पी.एल. परिवार मन के अंदाजन 70 महिला मन ल रसोई गैस कनेक्शन, गैस सिलेण्डर अऊ दू बर्नर वाले चूल्हा के सौगात मिले हावे। मुख्यमंत्री के पूछे म महिला मन हर ओ मन ल बताइन कि अब रसोई मं खाना बनाना आसान हो गए हे। चूल्हा-चौका के काम घलोक जल्दी निपट जात हावे। चौपाल खतम होए म उज्ज्वला योजना के एक हितग्राही श्रीमती नोनी बाई के आग्रह म मुख्यमंत्री ओखर घर गीन। श्रीमती नोनी बाई हर ओ मन ल अपन रसोई देखाईस अऊ चूल्हा घलोक जला के देखाइस। श्रीमती नोनी बाई हर मुख्यमंत्री ल बताइस कि घर मं पक्का शौचालय हावे। घर के साफ-सफाई देखके उमन प्रसन्नता जताइस। गांव के ओडीएफ होए के जानकारी मिले म उमन ग्रामीण मन के सराहना करिन। मुख्यमंत्री हर कहिन कि प्रधानमंत्री उज्ज्वला योजना के अंतर्गत सब्बो पात्र हितग्राही मन ल दू सौ रुपए के पंजीयन शुल्क मं रसोई गैस कनेक्शन दे जाही। उमन ये जानकारी घलोक दीन कि स्काई योजना के अंतर्गत राज्य सरकार 45 लाख लोगन ल स्मार्ट फोन देहे के योजना चालू करत हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment