मुख्यमंत्री हर नक्सल हमला के जोरदरहा निन्दा करिनBastar, Naxal Attack

वारदात के खबर मिलतेच दिल्ली जवई ल रोक के रायपुर बर रवाना


रायपुर, 24 अप्रैल 2017। मुख्यमंत्री डॉ. रमन सिंह हर आज मंझनिया राज्य के सुकमा जिला के दोरनापाल क्षेत्र म नक्सलि मन के केन्द्रीय रिजर्व पुलिस बल के जवान मन उपर करे गए हमला के बड़ निन्दा करिन। डॉ. सिंह हर ए हमला के मुकाबला करत शहीद होए 11 पुलिस जवान मन के शोक संतप्त परिवार खातिर अपन संवेदना प्रकट करिन। मुख्यमंत्री हर जवान मन के शहादत उपर गहरा दुःख व्यक्त करिन अउ घायल जवान मन के जल्दी स्वस्थ होए के कामना करिन हावय। डॉ. रमन सिंह ह ए हमला म नक्सलि मन के कड़ा शब्द म निन्दा करत कहिन कि घात लगाके हमला करना नक्सलि मन के कायरतापूर्ण हरकत आए। हमार बहादुर जवान मन के आमने-सामने मुकाबला करे के हिम्मत नक्सलि मन मेरन नइ हे। डॉ. सिंह हर कहिन कि केन्द्रीय रिजर्व पुलिस बल के ए जवान मन हर बस्तर म जनजीवन के सुरक्षा बर कर्त्तव्य के मार्ग म अपन प्राण के आहुति दे दीन। उंखर शहादत व्यर्थ नइ जाए। मुख्यमंत्री ल आज नवा दिल्ली म जइसे ही ए नक्सल वारदात के सूचना मिलीस, उमन तुरते अपन पहिली ले तय दिल्ली प्रवास ल रोक के आपात बैठक बर रायपुर रवाना हो गें। पहिली ले तय कार्यक्रम के अनुसार डॉ. सिंह काली 25 अप्रैल को बिहनिया रायपुर लहुटपे वाला रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment