रिश्वत लेत सरकारी बाबू के वीडियो वायरल

बिलासपुर (पेंड्रा) 01 अपरेल 2017। जनपद पंचायत पेंड्रा मं आजकल भ्रष्टाचार अंधेर बाढ़ गए हे अईसे कहे जात हे। इहां पदस्थ एक सरकारी बाबू के रिश्वत लेत वीडियो सोशल मीडिया मं वायरल होय के खबर हे।

जनपद पंचायत पेंड्रा मं मनरेगा संग अऊ निर्माण कार्य अऊ आन योजना के हितग्राहि मन ले घूस मांगे के शिकायत स्थानीय प्रशासन संग जिला के अधिकारी मन ल हो गे। तेखर बाद भी कोनो कार्रवाई नइ होवत दिखत हे। अइसनहे एक झन घुसखोरी ले प्रताड़ित मनखे हर जनपद पंचायत मं पदस्थ लिपिक ल रिश्वत लेत कैमरे मं कैद कर लीस।

जानकारी के अनुसार, पीड़ित मनखे ह एक भुगतान संग एक दूसर मामला मं देहे चेक मं संशोधन करे बर आवेदन लगाइस। वोला छह महीना तक जनपद पंचायत के चक्कर कटवाये गीस, बाद मं साढ़े पांच हजार के रिश्वत के मांग लिपिक के द्वारा करे गीस। जऊन ल पीड़ित हर तीन किश्त मं ओला दिस अऊ तीसर किश्त मं जब 500 रूपये देत रहिस तब पीड़ित शख्स हर मोबाइल ले वीडियो बना लीस। अऊ रिश्वतखोरी ल बेनकाब करे बर एला मीडिया अऊ सोशल मीडिया मं जारी कर दीस।

वीडियो इँहा ले देखे जा सकत हे-

http://m.hindi.eenaduindia.com/states/Central/Chhattishgarh/2017/03/31192007/Video-clip-of-clerk-taking-bribe.vpf
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment