मुख्यमंत्री अचनाक पहुंचिन आंगनबाड़ी केन्द्र : लइका मन मगन होगे

रायपुर, 03 अपरेल 2017। मुख्यमंत्री डॉ. रमन सिंह ल आज अचानक अपन बीच पाके छत्तीसगढ़ के आदिवासी बहुल बस्तर जिला के तितिरगांव के आंगनबाड़ी केन्द्र के लइका मन अऊ उहां के कार्यकर्ता मन के चेहरे खिल उठिस। लोक सुराज अभियान के समय डॉ. रमन सिंह आज ए गांव के समाधान शिविर मं सामिल होए रहिन। ए दौरान उमन आंगनबाड़ी केन्द्र पहुंचके  उहां तैयार पूरक पोषण आहार ’रेडी टू इट’ ल चीख के ओखर गुणवत्ता ल घलोक परखिन। डॉ. सिंह हर पूरक पोषण आहार के क्वालिटी म अपन संतुष्टि प्रकट करिन। उमन आंगनबाड़ी केन्द्र के लइका मन के हाथ के मिट्टी ले बने खिलौना मन ल देखके ऊंखर रचनात्मक प्रतिभा के तारीफ करिन अऊ उंखर हौसला बढ़ाइन। ए लइका मन हर मुख्यमंत्री ल अपन हाथ के बने एक पेंटिंग घलव भेंट करिन। डॉ. रमन सिंह हर ए आंगनबाड़ी केन्द्र के भिथिया म लगे रंग-बिरंगा चार्ट मं अंकित गिनती, वर्णमाला अऊ फोटू के बारे मं लइका मन से दिलचस्प सवाल घलोक करिन। उमन लइका मन ल आशीर्वाद दीन। 
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment