मुख्यमंत्री डॉ. रमन सिंह के अध्यक्षता मं समीक्षा बैठक

स्कूल-छात्रावास भवन के निर्माण युद्ध स्तर म सोलह महिना मं पूरा करे के निर्देश
लगभग 589 करोड़ रूपया के एक सौ भवन मन के करे जाही निर्माण
बस्तर संभाग मं जिला निर्माण समिति मन अऊ आन जिला मन मं लोक निर्माण विभाग ल सौंपे गीस जिम्मेदारी
पांच सौ सीट वाले 50 छात्रावास अऊ 50 सीट के 50 छात्रावास के होही निर्माण
मुख्यमंत्री हर कहिन - प्रशासकीय स्वीकृति एक हफ्ता मं जारी कर दे जाय







रायपुर, 27 अप्रैल 2017। मुख्यमंत्री डॉ. रमन सिंह हर अधिकारी मन ल अनुसूचित जाति विकास विभाग के स्वीकृत अऊ निर्माणाधीन स्कूल भवन, छात्रावास अऊ आवासीय विद्यालय मन के निर्माण युद्ध स्तर म पूरा करे के निर्देश देहे हें। डॉ. सिंह हर एखर खातिर सोला महीने के समय-सीमा घलोक तय कर देहे हे। मुख्यमंत्री आज मंझनिया इहां अपन निवास कार्यालय मं ए भवन मन के निर्माण कार्य के प्रगति के समीक्षा करत रहिन।
बैठक के अध्यक्षता करत उमन कहिन कि पाछू दू बछर मं स्वीकृत शैक्षणिक संस्था मन के सब्बो भवन मन के निर्माण जल्द से जल्द कराए बर समयबद्ध कार्य योजना तैयार करे म तत्परता ले अमल करे जाए। जऊन भवन के स्वीकृति नइ हो पाए हे, ओखर प्रशासकीय स्वीकृति एक हफ्ता मं जारी कर दे जाय अऊ भवन के निर्माण अवइया 16 महिना मं पूरा कर ले जाय। मुख्यमंत्री के निर्देश म प्रदेश मं शैक्षणिक संस्था मन के अंदाजन पांच अरब 89 करोड़ रूपया के लागत के एक सौ भवन मन के निर्माण करे जाही। एमां ले 500 सीटर छात्रावास मन के 50 भवन मन के निर्माण करे जाही, जेकर लागत अंदाजन पांच सौ करोड़ रूपया हावे। इही प्रकार अंदाजन 1.78 करोड़ रूपया के लागत के 50 सीटर छात्रावास मन के 50 भवन मन के निर्माण करे जाही। इखंर लागत अंदाजन 89 करोड़ रूपया हावे। उमन कहिन कि भवन के निर्माण मं कहूं कोनो दिक्कत आथे, तो सीधा मोला एखर बारे मं जानकारी देहे जाय। उमन कहिन कि बस्तर संभाग के सब्बो संबंधित जिला मं स्वीकृत भवन मन के काम कलेक्टर मन के माध्यम ले जिला निर्माण समिति मन ल सौंपे जाय अऊ राज्य के बांचे जिला मन मं ये वाले जिम्मेदारी लोक निर्माण विभाग ल दे जाय।
बैठक मं स्कूल शिक्षा अऊ आदिम जाति विकास मंत्री श्री केदार कश्यप, मुख्य सचिव श्री विवेक ढांड, अपर मुख्य सचिव श्री एन. बैजेन्द्र कुमार, मुख्यमंत्री के प्रमुख सचिव श्री अमन कुमार सिंह, लोक निर्माण विभाग के सचिव श्री सुबोध कुमार सिंह, आदिम जाति विकास विभाग के विशेष सचिव श्रीमती रीना बाबा साहब कंगाले संग संबंधित वरिष्ठ अधिकारी उपस्थित रहिन।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment