नक्सल हमला म महिला अउ लइका मन ल आघू रख के बरसइन गोली





रायपुर, 25 अप्रैल 2017। सुकमा, चिंतागुफा तीर बुर्कापाल मं नक्सली हमला मं घायल जवान ए बात ले दुखी हें कि नक्सली मन गांव वाले मन ल ढाल बनाइन। अउ उंखर पीछू लुका के गोली चलाईन। उमन कायर मन जइसे लडि़न, नई तो कई नक्सली मन ल हम मौत के घाट उतार देतेंन। घायल जवान मन बताईन कि नक्सली मन करिया ड्रेस पहिने रहिन, उंखर संग अड़बड़ झन महिला नक्सली रहिन। जवान मन अपन अंतस के पीरा ल गोठियावत कहिन कि बस्तर म कोन गांव वाला ये अउ कोन नक्सली ये हम कइसे चिन्‍हन?
साढ़े 12 ले 1 बजे के बीच पैदल रेंगत हमन बुर्कापाल तीर पहुंचेन अउ खाना खाए बर रुकेन। हमर कुछ संगी खाना खा डरे रहिन। कुछ मन खावत रहिन, तइसनहे करिया वर्दी पहिने नक्सली मन फायरिंग शुरू कर दीन। अंधाधुंध गोली बरसे लागिस, हमन घलोक हथियार उठाएन अऊ मोर्चा संभाल लेन। जवाबी फायरिंग शुरू कर देन, फेर उंखर आघू म गांव वाला मन रहिन। नक्सली मन महिला अउ लईका मन ल आगू कर-कर के पीछू ले फायरिंग करत रहिन। हमन अपन कई झन संगी मन ल अपन आंखी के आघू शहीद होत देखेन। सीआरपीएफ के घायल जवान मो. शेख ह बताईस कि मैं ह पांच नक्सली मन ल मारेंव, मोला कहूं गोली नइ लगे होतिस तो अऊ मारतेंव कायर मन ल। नक्‍सली मन के गोली मोर छाती म लगीस, फेर बुलेट प्रूफ जैकेट हर मोला बचा लीस।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment