निषाद-केवट समाज घलोक हे भगवान श्रीराम के उपासक: डॉ. रमन सिंह





मुख्यमंत्री सामिल होइस डोंगरगांव मं निषाद-केवट समाज के सामूहिक विवाह समारोह अऊ सामाजिक सम्मेलन म
छत्तीसगढ़ मछुआ कल्याण बोर्ड मं निषाद समाज के प्रतिनिधित्व बाढ़ही
राजनांदगांव कौरिनभाठा मं अधूरा सामाजिक भवन बर 15 लाख रूपया अऊ डोंगरगांव मं निषाद समाज के सामुदायिक भवन बर 10 लाख रूपया के मंजूरी
मुख्यमंत्री हर सामूहिक कन्या विवाह समारोह मं 51 जोड़ा मन ल दीन आशीर्वाद


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">


रायपुर 05 अपरेल 2017। मुख्यमंत्री डॉ. रमन सिंह आज राजनांदगांव जिला के डोंगरगांव मं कृषि उपज मंडी परिसर मं आयोजित निषाद समाज के सामूहिक विवाह समारोह अऊ समाज के सम्मेलन मं सामिल होइन। उहां मुख्यमंत्री हर कहिन कि निषाद-केवट समाज घलोक मर्यादा पुरूषोत्तम भगवान श्रीराम के उपासना करइया समाज आए। ए मेहनतकश समाज ल विकास के मुख्य धारा ले जोड़े अऊ उंखर आय बढ़ाए बर राज्य सरकार के बहुत अकन योजना संचालित करे जावत हे। उमन कहिन कि राज्य सरकार ह प्रदेश के दूरस्थ अऊ अपेक्षाकृत पिछड़ा इलाका तक विकास के लाभ पहुंचाए बर हर संभव प्रयास करत हावे। गर्मी के मौसम मं लोक सुराज अभियान के तहत पूरा शासन-प्रशासन प्रदेश के गांव मन म जाके लोगन के समस्या मन के निराकरण के प्रयास करत हे। ए अभियान के तहत आयोजित करे जात समाधान शिविर मन मं लोगन ल शासन के जनकल्याणकारी योजना मन के जानकारी घलोक देहे जात हे। उमन शासकीय योजना मन के जादा ले जादा संख्या मं लाभ लेहे बर लोगन मन ल आगू आए के अपील करिन। मुख्यमंत्री हर ए अवसर म सब लोगन ल रामनवमी के बधाई अउ शुभकामना दीन। मुख्यमंत्री हर कहिन कि निषाद केवट समाज ल मछली पकडे बर जाल-नाव, मछली भण्डारण बर आईसबाक्स देके बाजार के व्यवस्था तक सरकार करत हे। एखर संगें-संग नवा एनीकट अऊ तालाब-डबरी मन के घलोक यथा संभव निर्माण करे जात हे।




डॉ. सिंह हर डोंगरगांव मं निषाद समाज के सामुदायिक भवन बर 10 लाख रूपया के मंजूरी के घोषणा करिन। उमन कहिन कि समाज के राजनांदगांव कौरिनभाठा मं अधूरा परे सामाजिक भवन ल पूरा करे बर 15 लाख रूपया के धनराशि घलोक जल्द मंजूरी करे जाही। मुख्यमंत्री हर सम्मेलन ल संबोधित करत कहिन कि निषाद-केवट समाज हर भगवान श्री राम के वनवास के समय डोंगा ले नदिया पार कराए रहिन अऊ भगवान श्री राम ले विशेष कृपा अउ आशीर्वाद प्राप्त करे रहिन। उमन समाज के मांग म छत्तीसगढ़ मछुआ कल्याण बोर्ड मं निषाद-केवट समाज के प्रतिनिधित्व बढ़ाए म घलोक सहमति जताईन। ए सम्मेलन मं लोकसभा सांसद श्री अभिषेक सिंह, राजनांदगांव नगर निगम के महापौर श्री मधुसूदन यादव, डोंगरगांव के विधायक श्री दलेश्वर साहू, जिला पंचायत राजनांदगांव के पहिली अध्यक्ष द्वय श्री दिनेश गांधी अऊ श्री भरत वर्मा, राजगामी संपदा न्यास के पहिली अध्यक्ष श्री संतोष अग्रवाल, निषाद समाज के प्रदेश अध्यक्ष श्री इंदू निषाद, जिला अध्यक्ष श्री बिसेलाल निषाद, आयोजन समिति के अध्यक्ष श्री हीरा निषाद, पूर्व विधायक श्री खेदूराम साहू संग वरिष्ठ जनप्रतिनिधि श्री विनोद गोश्वामी, श्री लक्ष्मीनारायण गुप्ता, श्री आनंद निषाद, श्री रामरतन सार्वा अऊ अड़बड़ झन निषाद समाज के प्रतिनिधि सामिल होइन।

प्रधानमंत्री के वजह से गरीब के घर तक पहुंचा गैस चूल्हा
मुख्यमंत्री डॉ. रमन सिंह हर कहिन कि आज ले दू साल पहिली तक गैस चूल्हा अमीर मन के घर के शान होवत रहिस। गरीब घर के महिला मन हमेशा लकड़ी अऊ छेना ल माटी के चूलहा मं जलात रहिन, अब प्रधानमंत्री उज्ज्वला योजना के अंतर्गत ओ मन ल रसोई गैस कनेक्शन देहे जात हे। प्रदेश मं गरीब कुटुंब के 35 लाख महिला मन ल रसोई गैस कनेक्शन सरलग देहे जात हे।




20 नवदंपत्‍ती मन ल स्वेच्छानुदान ले मिलही 10-10 हजार रूपया के सहायता
डोंगरगांव मं निषाद समाज के आयोजित सामूहिक विवाह मं 51 जोड़ा मन के बिहाव कराए गीस। एमा से 31 जोड़ा के शादी मुख्यमंत्री सामूहिक विवाह योजना के तहत कराए गीस। योजना के प्रावधान के अनुसार ए 31 जोड़ा मन ल बिहाव बर 15-15 हजार रूपए के सहायता देवाए गइस। जेमां साढ़े 11 हजार रूपया के सामान अऊ साढ़े 3 हजार रूपया बिहाव के व्यवस्था मन म खर्च किकरे गए हे। डॉ. रमन सिंह हर निषाद समाज के मांग म सामूहिक विवाह मं संघरे बाकी 20 जोड़ा मन ल घलोक 10-10 हजार रूपए के सहायता राशि स्वेच्छानुदान के रूप मं देहे के मंजूरी दीन।

सूखा प्रभावित 4 किसान मन ल कन्या विवाह बर 30-30 हजार रूपए के सहायता
मुख्यमंत्री डॉ. रमन सिंह हर निषाद समाज के डोंगरगांव मं आयोजित कार्यक्रम मं सूखा ले प्रभावित 4 किसान मन के कन्या मन के बिहाव बर 30-30 हजार रूपए के सहायता राशि के चेक घलोक वितरित करिन। उमन जम्‍मो नवदंपत्‍ती मन के मंगल जीवन अऊ उज्जवल भविष्य के घलोक कामना करत करत सब्बो ल शुभकामना अऊ अपन आशीर्वाद दीन।




मुख्यमंत्री पाछू, पहिली डॉक्टर, एखरे खातिर स्मॉर्ट कार्ड के राशि 50 हजार रूपया तक बढ़ाईस
कार्यक्रम मं डॉ. रमन सिंह हर कहिन कि ओ मन जनता के आशीर्वाद से मुख्यमंत्री पाछू बने हें, पहिली ओ मन डॉक्टर आंए। उमन ग्रामीण क्षेत्र मन म मरीज मन के इलाज करत समय उंखर समस्या मन ल एकदम तीर ले देखे अऊ समझें हें। उमन कहिन कि लोगन ल मुख्यमंत्री स्वास्थ्य बीमा योजना के तहत स्मॉर्ट कार्ड के जरिये अब 50 हजार रूपया तक के निःशुल्क इलाज के सुविधा चिन्हित अस्पताल मन मं मिलही। दवा खरीदे से लेके ऑपरेशन तक मं लगइया पइसा अब एही स्मॉर्ट के जरिये भुगतान हो जाही। मुख्यमंत्री हर कहिन कि सरकार ह गर्भवती महिला मन ल अस्पताल तक लाए-ले-जाए खातिर 102 महतारी एक्सप्रेस वाहन चलावत हे। अस्पताल मं डिलेवरी कराए बर प्रेरित करे म घलोक संबंधित मितानीन या आंगनबाड़ी कार्यकर्ता ल सरकार कोति ले 600 रूपए प्रोत्साहन राशि घलोक दे जात हे।

style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment