गुड़ाखू उपर प्रतिबंध लगाय बर याचिका म शासन देही शपथ-पत्र

वाह रे दुनियॉं गुड़ाखू बेंचय अग्रवाल अउ सरमा जवाब दय सरकार






बिलासपुर, 20 अप्रैल 2017। छत्‍तीसगढ़ हाईकोर्ट हर प्रदेश म गुड़ाखू के उत्पादन अउ बिक्री उपर रोक लगाय खातिर दाखिल जनहित याचिका म शासन ल शपथ पत्र प्रस्तुत करे के आदेश दे हावे। ये मामला मं अगला सुनवाई अवईया मंगलवार के दिन होही। रायपुर के रहईया कुणाल शुक्ला अउ अवधेश प्रताप सिंह हर गुड़ाखू के उत्पादन अउ बिक्री म रोक लगाय बर हाईकोर्ट मं जनहित याचिका दाखिल करे हावे। याचिका मं कहे गए हावे कि राज्य सरकार हर कैंसर के खतरा ल देखत हे तभे तंबाकू वाला गुटखा उपर प्रतिबंध लगाए हावे। उहें, गुड़ाखू मं घलोक तंबाकू अउ घातक मोलासिस मिलाए जाथे। एखर ले घलोक कैंसर होथे। ए आधार म गुड़ाखू म घलोक रोक लगाय के मांग करे गए हे। हाईकोर्ट हर शासन ल नोटिस जारी करके जवाब मांगे रहिस। मामला ल सुनवाई बर काली बुधवार के दिन चीफ जस्टिस के डीबी मं रखे गए रहिस।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment