कोचिया मिलहि त एसपी ल कर दे जाही सस्पेंड





रैपुर, 06 अपरेल 2017। राज्य सरकार हर दारूबंदी मामला मं पुलिस अधीक्षक मन के भूमिका तय कर दे हावे। यदि ऊंखर इलाका मं कोनो कोचिया मिलही त उँहा के एस पी ल सीधा सस्पेंड करे जाही। ए फरमान म नजर रखे के जिम्मेदारी सब्बो रेंज के आईजी ल दे गे हावे। आप मन जानतेच हव कि राज्य सरकार हर ए साल दारू बेचे के काम खुदे करत हवय, एमा सबले बड़े बाधा कोचिया मन हें।

सरकार के दावा हावे कि कोचिया मन के ए धंधा ल खतम कर दे जाही। कोचियाबंदी सरकार के प्रतिष्ठा के प्रस्न बन गए हे।  एकर खातिर सरकार हर पुलिस, आबकारी अऊ स्टेट मार्केटिंग कार्पोरेशन के अमला के संग जोरदरहा तैयारी करे हावे। 690 सरकारी दारू दुकान  मन मं प्लेसमेंट एजेंसी के भरती करे सेल्समेन अउ सुरक्षा बर होमगार्ड के जवान तैनात करे गय हे। सेल्समेन के भरती मं ए बात के पूरा धियान राखे गय हे के एको मनखे जुन्ना ठेका  दुकान वाले झन होवय।  अइसनहे एक मनखे ल सिरिफ पांच बोतल शराब बेचे के कोटा घलोक तय करे गे हे। संगे-संग हर दुकान अऊ वेयर हाउस, डिस्टलरी मन म सीसीटीवी के लगा के लीकेज म नजर राखे जात हावे। हर बड़का कस्बा, गांव अऊ शहर मन मं जुन्ना कोचिया मन के पीछू आबकारी अमला ल लगा दे गे हावे। जेमन सीधा स्थानीय पुलिस ल रिपोट करहीं।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment