केन्द्रीय गृह मंत्री अउ मुख्यमंत्री पहुंचिन अस्पताल

नक्सल हमला म घायल जवान मन ले करिन मुलाकात




रायपुर, 25 अपरेल 2017। केन्द्रीय गृहमंत्री श्री राजनाथ सिंह हर आज इहां पचपेड़ी नाका रद्दा म एक प्राइवेट अस्पताल म सीआरपीएफ के घायल जवान मन ले मिलके ऊंखर जल्दी स्वस्थ होए के कामना करिन। उमन मुख्यमंत्री डॉ. रमन सिंह अउ केन्द्रीय गृह राज्य मंत्री श्री हंसराज अहीर के संग अस्पताल पहुंच के उहां सीआरपीफए के तीनों घायल जवान मन ले मुलाकात करिन। ये जवान मन कल सुकमा जिला म नक्सल हमला के मुकाबला करत करत घायल हो गए रहिन। हमला म सीआरपीएफ के 25 जवान शहीद होए हें। केन्द्रीय गृह मंत्री आज बिहनिया रायपुर पहुंचिन, जिहां उमन छत्तीसगढ़ सशस्त्र बल के चौथा बटालियन के परिसर म शहीद जवान मन ल राज्यपाल श्री बलरामजी दास टंडन अउ मुख्यमंत्री डॉ. रमन सिंह के संग श्रद्धांजलि अर्पित करिन। उमन एखर बाद चौथा बटालियन म अधिकारी मन के बैठक लीन अउ बैठक के बाद घायल जवान मन ले मिले पहिली पचपेड़ी नाका तीर फेर मोवा के प्राइवेट अस्पताल मन म घायल जवान मन ले मिले गीन। मुख्यमंत्री डॉ. रमन सिंह अउ केन्द्रीय गृह राजमंत्री श्री हंसराज अहीर घलोक ऊंखर सांग रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment