मुख्यमंत्री अचानक पहुंचिस मिर्चा के लहलहात खेत म




रायपुर, 17 अप्रैल 2017। मुख्यमंत्री डॉ. रमन सिंह लोक सुराज अभियान के तहत आज मंझनिया हेलीकॉप्टर ले जशपुर जिला के ग्राम साहीडांड (विकासखंड बगीचा) अचानक पहुंचिन। उमन उहां किसान तेजकुमार खाखा के मिर्चा के खेत म जाके उहां लहलहात पौधा मन ल देखिन। डॉ. सिंह ह तेजकुमार खाखा के संग खेत म काम करत वोकर छह साल के बेटी अर्पणा खाखा ल मया ले अपन तीर बलाइस अउ वोकर पढ़ई के बारे में पूछिन। लइका ह उमन ल बताइस कि वो ह सरस्वती शिशु मंदिर म पहली कक्षा म पढ़थे। मुख्यमंत्री ह लइका ल आशीर्वाद दीन। उमन तेजकुमार खाखा ले मिर्च के खेती के बारे में बातचीत करिन। डॉ. सिंह ह एकर बाद साहीडांड म आयोजित समाधान शिविर म पहुंचिन, जिहां उमन श्री सुधीर खेस्स के दू साल के बेटा अंकुर ल बड़ मया ले तीर म बलाके पूछिन कि बेटा स्कूल जाथस? त लइका ह चट ले तोतरात कहिस बड़े होहूं त स्कूल जाहूं। डॉ. सिंह ह लइका ल अउ वोकर मां श्रीमती सुकेशनी खेस्स ल आशीर्वाद दीन।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment