बनिहार बन के करिस ईंटा के जोड़ाई, उही हमर नेता रमन सिंह ये भाई





मुख्‍यमंत्री बांध के मूड़ म फेंटा, कहिस महू अंव किसान के बेटा


जोंकपाट(बलरामपुर) 07 अपरेल 2017। लोकसुराज अभियान म छत्तीसगढ़ के मुख्यमंत्री रोजे अपन नवा रुप देखावत हे। बिरसपतवार के दिन एक मजदूर महिला के घर भाजी-भात खाइस त आज उमन ठेठ गवंइहा बनिहार कस मूड़ म गमछा बांध के ईंटा के जोड़ाई करके भिथिया उठाईस। मुख्यमंत्री रमन सिंह आज कोरिया/बलरामपुर जिला के दौरा म रहिन जेमां उमन प्रधानमंत्री आवास योजना के निरीक्षण करिन। निरीक्षण के समय मुख्यमंत्री रमन सिंह ल एक महिला घर बनत दिखीस, मुख्यमंत्री हर कहिस, ला ओ महु तुमने ल मदद करहूं।
उमन अपन सब प्रोटोकाल छोड़के इंटा जोड़ाई करे म। अपन खांध मं रखे गमछा ल मूड़ म बांधिन अऊ महिला के संग ईंट से ईंट जोड़े लगिन। ए महिला के नाम घलोक उर्मिला च हे। उर्मिला अपन कुटुंब के संग घर बनावत रहिस। मुख्‍यमंत्री जब पसीना ले फींज गे त बोलिन, चलव तुहंर घर देखावव, घर मं कुछु खाए बर रखे हव के नहीं। उर्मिला सकपका गे कि मुख्‍यमंत्री ल वो का खवाही, फेर छत्‍तीसगढ़ के महतारी तुरते दउंड़ के रंधनी खोली ले गुड़ ले के आईस अउ मुख्‍यमंत्री ल खवाइस। मुख्‍यमंत्री गुड़ खाके उहां पानी पीस। एखर बाद सीएम के काफिला आगू बढ़ गीस।

ये सुघ्‍घर बेरा के छत्‍तीसगढ़ पत्रिका के बनाए वीडियो देखव-








Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment