जनता के विश्वास अउ सौंपे गए दायित्व के निर्वहन प्राथमिकता ले करंय-कमिश्नर श्री ब्रजेशचंद्र मिश्र

सिविल सर्विसेस दिवस म आयोजित कार्यक्रम म पांच अधिकारी मन के होइस सम्मान






दुर्ग, 21 अप्रैल 2017। सिविल सर्विसेस दिवस के अवसर म आज बीआईटी कालेज, दुर्ग के ऑडिटोरियम म कार्यक्रम के आयोजन करे गीस। कार्यक्रम म दुर्ग कमिश्नर श्री ब्रजेशचंद्र मिश्र हर कहिस कि जनता के विश्वास अउ सौंपे गए दायित्व के निर्वहन प्राथमिकता ले करे म योजना के लक्ष्य प्राप्त करे जा सकत हवय। उमन कहिन कि हम सब समाज के अंग आन अउ हमर अलग-अलग क्षेत्र म महती जिम्मेदारी हवय। प्रशासन म जिहां अधिकारी होए के नाते महत्वपूर्ण दायित्व अउ जिम्मेदारी के निर्वहन करे के चुनौती होथे उन्‍हें समाज के हिस्सा होए के नाते नैतिक जिम्मेदारी के घलोक निर्वहन करे के दायित्व होथे। उमन समाज के अपेक्षा अउ लोगन के जरूरत ल ध्यान म रखत शासन द्वारा सौंपे गए दायित्व मन ल समय-सीमा म पूरा करे के बात कहिन।
ए अवसर म कलेक्टर श्रीमती आर. शंगीता हर कहिस कि अधिकारी अपन महत्वपूर्ण जवाबदारी के निर्वहन अंतर्रात्मा अउ सत्कर्म ले करव। जरूरतमंद लोगन के समस्या मन ल गम्भीरता ले सुनव अउ ओखर लउहे निराकरण करव। उमन आगू कहिन कि जनता के अपेक्षा अउ ऊंखर विश्वास बनाए रखव। समय-सीमा के भीतर बेहतर काम करे के कोसिस करे जाए। हर एक योजना के विशेष महत्व होथे अउ ओला समय-सीमा म पूरा करे के चुनौती होथे। अधिकारी मन एला महत्वपूर्ण जिम्मेदारी समझके दायित्व मन ल बेहतर से बेहतर करे के प्रयास करव।
एखर अवसर म जिला प्रशासन दुर्ग ले सेवा क्षेत्र म उत्कृष्ट काम करइया 5 अधिकारी/कर्मचारी मन ल प्रशस्ति पत्र देके सम्मानित करे गीस। डिप्टी कलेक्टर श्रीमती अंशिका पाण्डेय, अहिवारा के सीएमओ श्री राजेश तिवारी, कुम्हारी के राजस्व निरीक्षक श्री क्षीर सागर नायक, नगर निगम भिलाई के स्वच्छता निरीक्षक श्री चन्द्रपाल हरमुख अउ कलेक्ट्रेट कार्यालय के डाटा एन्ट्री ऑपरेटर श्री पंकज सिलेदार ल सम्मानित करे गीस। ए अवसर म उपस्थित अधिकारी अउ कर्मचारी मन हर प्रधानमंत्री श्री नरेन्द्र मोदी के भाषण के जीवंत प्रसारण घलोक सुनिन। अपर कलेक्टर श्री पी.एस. एल्मा, नगर निगम आयुक्त श्री के.एल. चौहान संग बड़ झन अधिकारी-कर्मचारी उपस्थित रहिन।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment