फेसबुक फ्रेंडशिप के चक्‍कर टूरा ल परगे भारी






फेसबुक फ्रेंडशिप के चक्‍कर तुमन ल बड़ भारी पर सकत हावे। अतका भारी कि तुमन ल अपन जान छोड़ाना मुश्किल हो जाही। अइसनहेच एक मामला झारखंड के सिंहभूम जिला म आघू आए हवे। जिहां एक लड़का ह फेसबुक म एक लड़की ले दोस्ती करिस। लड़की ह फेसबुक म चेट करके एक दिन लड़का ल बलाईस। जब लड़का ह लड़की ले मिले पहुंचिस त ओला लड़की के घरवाले मन धांघ के बंदी बना लीन एखर बाद लड़का हर पईसा देके अपन जान बचाईस।
'दैनिक हिंदुस्तान' के एक खबर के मुताबिक, घटना सिंहभूम जिला के चाकुलिया शहर के आए। इहां रहइया एक लड़का के दोस्ती फेसबुक म कोलकाता के रहहईया एक लड़की ले होइस। दुनों के बीच घंटों चैटिंग होए लगिस। दुनों एक दूसरे ल पसंद करे लगिन। दुनों के चैटिंग कब प्यार मं बदल गे, दूनों ल पताच नइ चलिस। प्यार परवान चढि़स त लड़का ह लड़की ले मिले के प्लान बनाइस। लड़की हर लड़का ल मिले बर कोलकाता बुला लीस। जेखर बाद किराया के कार लेके लड़का ह टेस मारत लड़की ले मिले कोलकाता रवाना हो गीस।
लड़का कार लेके लड़की के बताए जघा म पहुंचिस, उहां अगोरत लड़की जइसेच लड़का के कार म बइठिस तभे उहां पहिली ले घात लगाए बइठे शातिर लड़की के परिजन मन ह युवक के कार ल घेर लीन। उमन लड़का ल अपन घर ले जाके रस्सी ले बांध दीन फेर ओला छरत ले पीटीन। अतकेच नहीं 24 घंटा तक लड़का ल बंधक बनाके रखे के बाद आरोपी मन ओला छोड़े बर एक लाख बीस हजार रुपया के मांग करिन। बेबस लड़का ह तुरते अपन घरवाला मलन ले पइसा के इंतजाम करवाइस, फेर अपन दोस्त मन के माध्यम ले पइसा मंगवा के युवती के घरवाले मन ल दीस अऊ खुद ल छोड़वाईस।
ऊंखर चंगुल ले छुटे के बाद पीड़ित युवक अपन घर पहुंचीस, ए घटना के जानकारी पीड़ित हर पुलिस ल दीस। पुलिस हर पीड़ित के तहरीर म आरोपी मन के खिलाफ केस दर्ज कर लेहे हे। पीड़ित के बताए गए पता म पुलिस दबिश देहे हे फेर अभी पुलिस कोनों पकड़ाए नई हें।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment