मुख्यमंत्री डॉ. रमन सिंह ह प्रधानमंत्री श्री नरेन्द्र मोदी से करिन सौजन्य मुलाकात

प्रधानमंत्री आवास योजना मं छत्तीसगढ़ ल दस लाख मकान के लक्ष्य देहे के मांग
प्रधानमंत्री हर करिस लोक सुराज अभियान अऊ स्काई योजना के तारीफ


रायपुर, 9 अपरेल 2017। छत्तीसगढ़ के मुख्यमंत्री डॉ. रमन सिंह हर आज संझा नई दिल्ली मं प्रधानमंत्री श्री नरेन्द्र मोदी से सौजन्य मुलाकात करिन। उमन श्री मोदी के संग गोठ-बात के बेरा प्रधानमंत्री आवास योजना के तहत छत्तीसगढ़ मं बनइया मकान मन के लक्ष्य 10 लाख तक बढ़ाए के मांग करिन। प्रधानमंत्री आवास मं होए ए मुलाकात के बेरा श्री नरेन्द्र मोदी हर छत्तीसगढ़ सरकार के लोक सुराज अभियान अऊ 45 लाख लोगन ल स्मार्ट फोन देहे बर तैयार संचार क्रांति योजना (स्काई) के बड़ई तारीफ करिन। मुख्यमंत्री हर श्री मोदी ल बताइन कि गरीब परिवार ल पक्का मकान दे बर प्रधानमंत्री आवास योजना के तहत छत्तीसगढ़ मं तेजी ले काम चलत हावे। आम जनता मं ए योजना ल लेके अड़बड़ उत्साह देखे जावत हे।
डॉ. रमन सिंह हर प्रधानमंत्री ल छत्तीसगढ़ मं तीन अपरेल ले चालू लोक सुराज अभियान के बारे मं जानकारी दीन अऊ बताइन कि मैदानी स्तर म केन्द्र सरकार अऊ राज्य सरकार के योजना मन के बेहतर तरीका ले क्रियान्वयन होवत हे। उमन कहिन कि प्रधानमंत्री उज्जवला योजना, आवास योजना अऊ आन योजना मन के बारे मं आम ग्रामीण जनता के प्रतिक्रिया अड़बड़ सकारात्मक हावे अऊ बड़ संख्या मं जरूरतमंद मनखे एखर ले लाभान्वित होवत हें। डॉ. रमन सिंह हर कहिन कि लोक सुराज अभियान के माध्यम ले हम लोगन के शिकायत सुनत हन अऊ ऊंखर तुरंते समाधान म जोर देवत हन। उमन बताइन कि लोक सुराज के माध्यम ले योजना मन के बेहतर क्रियान्वयन सुनिश्चित होय हावे।
बैठक मं मुख्यमंत्री हर प्रधानमंत्री के ध्यान भारत नेट योजना के तरफ आकर्षित करत करत कहिन कि छत्तीसगढ़ के बस्तर अऊ सरगुजा जइसन दूरस्थ आदिवासी इलाका मन मं संचार नेटवर्क के प्रसार बहुत जरूरी हावे। अभी हालेच म ए क्षेत्र मन मं नेटवर्क के विस्तार काफी कम हावे। उमन कहिन कि आबादी कम होए के कारण ए दुरूह क्षेत्र मन मं भारत नेट के मापदंड ल पूरा कर पाना कठिन हावे। उमन मांग करिन के छत्तीसगढ़ के ए दुर्गम क्षेत्र मन मं संचार सेवा मन के विस्तार बर विशेष प्रावधान किरे जाए अउ केन्द्र सरकार ले अतिरिक्त सहयोग प्रदान करे जाये। उमन कहिन कहा कि जैम ट्रिनिटी जेमां जनधन, आधार अऊ मोबाईल हावे मं जनधन अऊ आधार के क्षेत्र मं छत्तीसगढ़ मं बेहतर काम होय हावे अउ मोबाईल कव्हरेज क्षेत्र मं विस्तार बर अतिरिक्त प्रयास जात हे।
डॉ. रमन सिंह हर प्रधानमंत्री ल बताइस कि राज्य सरकार हर संचार क्रांति के योजना (स्काई) के माध्यम ले 45 लाख लोगन ल स्मार्ट मोबाईल फोन देहे के निर्णय ले हावे। ये एक नवा परयोग हावे ताकि आम जनता राज्य सरकार के योजना मन के बेहतर ढंग ले लाभ उठा सके। एखर लिए घलोक मोबाईल संचार नेटवर्क ल बेहतर करे के जरूरत हावे। प्रधानमंत्री हर स्काई योजना के घलोक प्रशंसा करिन अऊ एला एक अच्छा परयोग बताइन। ए दौरान मुख्यमंत्री के प्रमुख सचिव श्री अमन कुमार सिंह घलोक उपस्थित रहिन।
Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment