किसान के लहलहात फसल देख के मन होइस तरोताजा




मुख्यमंत्री अचानक पहुंचिन तेजकुमार के हरियर खेत म

रायपुर, 17 अप्रैल 2017। लोक सुराज अभियान के तहत मुख्यमंत्री डॉ. रमन सिंह आज अचानक जशपुर जिला के ग्राम साहीडांड (विकासखंड-बगीचा) पहुंच गे। उमन हेलीकाप्टर ले ही ये देख डरे रहिन कि नीचे धरती म एक किसान के खेत म हरियाली अपन छटा बगरावत हे। डॉ. सिंह समाधान शिविर स्थल ले सीधा किसान तेजकुमार खाखा के खेत अचानके पहुंच गीन अउ उहां मिर्चा अउ बरबट्टी के खेत मन म लहलहात फसल ल देखके कहिन कि ये हरियाली हमार किसान मन के जीवन में आवत समृद्धि अउ खुशहाली के प्रतीक आए, ये हरियाली ल देखके दिनभर के थकान दूर हो जाथे अउ मन तरोताजा हो जाथे। उमन किसान श्री तेजकुमार के मेहनत अउ लगन के तारीफ करत वोला अपन शुभकामना दीन। किसान श्री तेजकुमार ह दो एकड़ म मिर्चा अउ बरबट्टी के खेती करत हे। कुछ मक्का घलव लगाए हे। डॉ. सिंह ह ये बात उपर खुशी जताइस कि तेज कुमार ह ए पइत मिर्चा के नकदी फसल के अब तक के पैदावार ल बेंच के 35 हजार रूपया कमाए हे अउ वोला इहू विश्वास हे कि अंदाजन एक लाख रूपया के अतिरिक्त आमदनी वो ए पइत हासिल करही। मुख्यमंत्री ह मिर्चा के फसल तोड़के अउ पौधा मन के सिंचाई करके खाखा परिवार के हाथ घलव बटाइस। डॉ. सिंह ह कहिन कि प्रधानमंत्री श्री नरेन्द्र मोदी ह किसान मन के आमदनी ल वर्ष 2022 तक दुगुना करे के जउन लक्ष्य राष्ट्र ल देहे हे, तेज कुमार जइसे किसान मन के मेहनत ल देखके लगथे कि देश ये लक्ष्य ल जल्द हासिल कर लेही। राज्य सरकार घलव वोला वोला पूरा सहयोग देवत हे। श्री तेजकुमार ह मुख्यमंत्री ल बताइस कि वो ह अपन खेत म मनरेगा के तहत वर्ष 2012 म कुंआ खोदवाए रहिस, जेमा डीजल पम्प लगाके सिंचाई करत हे, फेर अब वोला सौर सुजला योजना म सोलर सिंचाई पम्प मिल गए हे। एखर ले अब डीजल के खर्चा के चिंता दूर हो गए हे, काबर कि सूरूज के बिजली ले वाकर सिंचाई पम्प आसानी ले चलत हे। वो ह एकर खातिर मुख्यमंत्री ल धन्यवाद दीस।






Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment