अभिषेक सिंह गुजरात भाजयुमो के प्रभारी





रायपुर, 05 अप्रैल 2017। भारतीय जनता युवा मोर्चा के राष्ट्रीय अध्यक्ष पूनम महाजन हर राजनांदगांव सांसद अभिषेक सिंह ल गुजरात भारतीय जनता युवा मोर्चा के प्रदेश प्रभारी बनाय हे। अभिषेक छत्तीसगढ़ के मुख्यमंत्री डॉ. रमन सिंह के बेटा आए। गुजरात मं विधानसभा चुनाव होवइया हे। अइसन मं अभिषेक ल उहां के प्रभारी बनाके राष्ट्रीय संगठन हर महत्वपूर्ण जिम्मेदारी सौंपे हे। भाजपा के राष्ट्रीय अध्यक्ष अमित शाह हर पहिलिच संकेत देहे रहिस हे कि युवा मन ल गुजरात चुनाव मं सबले जादा टिकट देके चुनाव मैदान मं उतारे जाही। सांसद अभिषेक ल ये जिम्मेदारी देहे ले राजनीति के जानकार मन मानत हें कि भारतीय जनता पार्टी के केंद्रीय नेतृत्व मं छत्तीसगढ़ के नेता मन के दखल बाढ़त जात हे।




भाजपा के राष्ट्रीय महासचिव सरोज पांडेय, अनुसूचित जनजाति मोर्चा के राष्ट्रीय अध्यक्ष रामविचार नेताम के बाद अब राजनांदगांव सांसद अभिषेक सिंह ल भारतीय जनता युवा मोर्चा मं खास जिम्मेदारी सौंपे गए हे। राष्ट्रीय महासचिव सरोज पांडेय ल महाराष्ट्र के प्रभारी बनाय गीस अउ महाराष्ट्र मं होए नगर निगम चुनाव मं भाजपा ल भारी जीत मिलीस। भाजपा के राष्ट्रीय सहसंगठन महामंत्री सौदान सिंह ल ओडिशा पंचायत चुनाव के जिम्मेदारी सौंपे गीस अउ उहां भाजपा ल अप्रत्याशित सफलता मिलीस। एला देखत केंद्रीय कार्यसमिति के बैठक के आयोजन ओडिशा मं करे के फैसला लेहे गीस। बताए जात हे कि अभिषेक ल घलोक केंद्रीय संगठन हर सफलता के फार्मूला दोहराए खातिर गुजरात जइसन महत्वपूर्ण राज्य के जिम्मेदारी देहे गए हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">




style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment