बस्‍तर नक्‍सली हमला : पलोडी गांव के रहवइया नक्‍सली कमांडर हिडमा के करतूत






40 लाख रूपिया के इनामी खूंखार नक्‍सली हिडमालु हर रचे रहिस हमला के साजिश
छत्तीसगढ़ के सुकमा जिला के जऊन क्षेत्र मं नक्सली हमला होय हावे, ओ क्षेत्र मं हमला के मास्टरमाइंड ‘हिडमा’ के तूती बोलथे। ए खूंखार नक्सली उपर पुलिस ह 40 लाख रुपया के इनाम घोषित करे हे। सितंबर 2016 म पहली बार एके-47 के संग ओखर फोटू आघू आए रहिस हे। बताथें कि सुकमा के पलोडी गांव के हिडमा ह साउथ जोनल कमेटी के सदस्य बनइया बस्तर के पहली माओवादी आए। ताड़मेटला कांड के समय वो कंपनी के नंबर एक के कमांडर रहिस। ओखर काम ले खुश होके उपर के बड़का माओवादी नेता मन ओला कंपनी मं नंबर एक अऊ तीन के विलय करके बटालियन नंबर एक बना दीन अऊ ओखर सियानी हिडमा ल सउंप दीन।
मडवी हिडमा उर्फ हिडमन्ना के उमर के बारे म सहीं जानकारी नइ हे फेर कुछ कागद म ओखर उमर 25 साल लिखाए हवय, तो कुछ मनखे मन 30-32 साल बताथें। सरकारी रिकॉर्ड के मुताबिक, सुकमा मं जंगरगुंडा इलाका के पलोडी गांव के रहवइया हिडमा ल ओ इलाका के मनखे हिडमालु अऊ संतोष के नाम ले घलोक जानथें। जानकार मन बताथें कि करीबन दशक बछर म ओ हर खौफ के अइसन खेल खेले हे कि पूरा इलाका के मोस्ट वांटेड नक्सली बन गए हे। माओवादी मन के बीच ओला बेहतरीन लड़ाका अऊ रणनीतिकार माने थे।
गुरिल्ला लड़ई मं ओला महारत हासिल हवय। इही कारन हावे कि ओला पीपुल्स लिबरेशन गुरिल्ला आर्मी (पीएलजीए) के बटालियन-1 के कमांडर बनाए गए हे। ए बटालियन के तहत सुकमा अऊ बीजापुर मं सक्रिय नक्सली मन के तीन यूनिट्स काम करत हवय। हिडमा माओवादी मन के दंडकारण्य स्पेशल जोनल कमेटी (डीकेएसजेडसी) के घलोक सदस्य हे। सुरक्षा एजेंसी मन जानथें कि हिडमा बुर्कापाल अऊ चिंतलनार गुफा मं सक्रिय हे फेर, ओखर ठिकाना के सही जानकारी कोनो ल नइ हे।
बीते कुछ साल मं हिडमा हर कई बड़े वारदातों ल अंजाम दे हावे। जेमा 11 मार्च को सुकमा मं जवान मन उपर जऊन हमला होय रहिस, जेमां 12 जवान शहीद हो गये रहिन, वोकर मास्टरमाइंड घलोक हिडमा ही रहिस। दरभा के झीरम घाटी मं 23 मई, 2013 को नक्सली मन के बड़का समूह हर कांग्रेस के बदलाव यात्रा उपर हमला करके कांग्रेस नेता विद्याचरण शुक्ल, नंदकुमार पटेल, महेंद्र कर्मा, उदय मुदलियार संग 31 मनखे ल मौत के घाट उतार देहे रहिन, वोमा सुरक्षा बल के 15 जवान मन के संग पांच ग्रामीण मन के घलोक मौत हो गए रहिस। दंतेवाड़ा के ताड़मेटला मं छह अपरेल, 2010 को सर्च ऑपरेशन बर निकले 120 जवानों म एक हजार ले जादा नक्सली मन हर हमला करके 76 जवानों ल मार डारे रहिन जउन मुठभेड़ मं आठ नक्सली मन के घलोक मौत होए रहिस। संगें-संग सुकमा ले कनाडा के एक सैलानी ल अगवा करे के पीछू घलोक हिडमा के ही हाथ बताय जात हावे।




style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment