कृषि मंत्री श्री बृजमोहन अग्रवाल हर करिस प्रदेश के पहिली किसान बाजार के उदघाटन

जुन्ना मंडी मं किसान मॉल अऊ नवा मंडी मं रोड के संग सीमेंटीकरण बर दे जाही 5-5 करोड़ रूपया
किसान बाजार मं बनाए जाही 50 अऊ चबूतरा




रायपुर 19 अप्रैल 2017। प्रदेश के कृषि मंत्री श्री बृजमोहन अग्रवाल हर आज प्रदेश के पहिली किसान बाजार के शुभारंभ धमतरी के जुन्ना कृषि उपज मंडी परिसर मं करिस। उमन ए मौका म जिला के रहवइया मन ल ए सौगात बर झौंहा झौंहा शुभकामना दीन। मुख्य अतिथि के आसंदी ले कार्यक्रम ल संबोधित करत मंत्री श्री अग्रवाल हर कहिन कि किसान हितैषी प्रदेश सरकार किसान मन के हित मं लगातार काम करत हे। इही कड़ी मं धमतरी मं प्रदेश के पहली किसान बाजार शुरू करे जात हावे। ए बाजार के संग सब्जी उत्पादक किसान मन ल ऊंखर उत्पाद के बेहतर दाम मिलही। इही नइ शहरवासी मन ल घलोक इहां खुदरा बाजार ले सस्ता दर मं सब्‍जी मिलही। उमन कहिन कि पाछू इहां प्रायोगिक तौर म चलाए गए किसान बाजार मं सब्जी उत्पादक किसान मन ल मिले उत्साहजनक प्रतिक्रिया ल देखके इहां 50 अऊ चबूतरा मंडी बोर्ड कोति ले बनाए जाही। एखर जरिए फल आदि के बिक्री घलोक उत्पादक किसान मन कर सकहीं।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment