लोक सुराज अभियान मं मुख्यमंत्री के निर्देश म जल्दी कार्रवाई

सड़क मन के मरम्मत मं लापरवाही के आरोप : लोक निर्माण विभाग के अनुविभागीय अधिकारी बर्खास्‍त





रायपुर, 12 अप्रैल 2017। मुख्यमंत्री डॉ. रमन सिंह के निर्देश म जल्दी कार्रवाई करत लोक निर्माण विभाग के अनुविभागीय अधिकारी श्री मोहन राम भगत ल तुरंते प्रभाव ले निलम्बित कर दे गीस। ओखर निलम्बन आदेश विभाग ले आज इहां मंत्रालय (महानदी भवन) ले जारी कर दे गीस। मुख्यमंत्री डॉ. रमन सिंह हर लोक सुराज अभियान के दौरान आज महासमुंद जिला के ग्राम जम्हारी (विकासखंड सरायपाली) के चौपाल मं उहां के एक सड़क के खराब हालत के बारे मं ग्रामीण मन ले मिले शिकायत ल गंभीरता से लीन अऊ ए दौरान उमन लोक निर्माण विभाग के सरायपाली उप संभाग के अनुविभागीय अधिकारी श्री मोहन राम भगत के अनुपस्थिति अऊ मुख्यालय मं नइ रहे के शिकायत म घलोक नाराजगी व्यक्त करिन। मुख्यमंत्री हर मुख्य सचिव श्री विवेक ढांड ल अनुविभागीय अधिकारी श्री भगत के विरूद्ध तुरंते निलंबन के कार्रवाई करे के घलोक निर्देश दीन। मुख्यमंत्री के निर्देश म लउहे अमल करत मझनियेच ओखर निलंबन आदेश मंत्रालय ले जारी कर दे गीस। निलंबन आदेश मं कहे गए हावे कि श्री मोहनराम भगत के प्रायः मुख्यालय मं नइ रहे से उप संभाग के मार्ग मन के मरम्मत के काम नइ होत हे अऊ लोक सुराज अभियान जइसन महत्वपूर्ण काम के समय घलोक उमन निरंतर अनुपस्थित रहिके कर्त्तव्य के प्रति लापरवाही अऊ शिथिलता बरते हें ते कारण ऊंखर विरूद्ध उमन ल तुरंत प्रभाव से निलम्बित करे गए हे। निलंबन के ये कार्यवाही छत्तीसगढ़ सिविल सेवा (वर्गीकरण, नियंत्रण अउर अपील) नियम 1966 के नियम-9 के तहत करे गए हावे। निलंबन अवधि मं उंखर मुख्यालय लोक निर्माण विभाग के रायपुर स्थित प्रमुख अभियंता कार्यालय मं निरधारित करे गए हे।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment