रमन ल मजदूर ह खवाइस बासी अऊ चटनी, असीस मं मिलिस कुंआ





गौरेला, 06 अपरेल 2017। लोक सुराज अभियान म जनता के बीच घूमत मुख्‍यमंत्री डॉ.रमन सिंह ह आज मनरेगा के एक मजदूर उर्मिला कोर्राम हर भात के संग अमारी भाजी अऊ अमारी के चटनी खवाईस। ये जेवन ल खाए के बाद मुख्यमंत्री हर कहिन कि खाना अड़बड़ मिठाईस, एखर खाय ले झांझ नइ लगय। मुख्‍यमंत्री ह उर्मिला से पूछिन कि एखर बल्‍दा तोला का चाही त उर्मिला कहिस, कुआं चाही। डॉ. रमन हर मनरेगा के तहत तुरंते कुआं मंजूर कर दीस अऊ ये घलोक कहिस कि कुआँ खोदाए के बाद सोलर पम्प घलोक दे जाही। उमन एखर बर कलेक्टर ल निर्देश दीन।
ये बात आज बिलासपुर जिला के ग्राम गौरखेड़ी (विकासखण्ड गौरेला) मं होइस। मुख्यमंत्री लोक सुराज अभियान के तहत आज रायपुर ले हेलिकॉप्टर म चढ़ के रवाना होके सबले पहिली इही गाँव के निर्माणाधीन बाँध स्थल म पहुंचिन। उहां 33 करोड़ के लागत ले बनत बाँध ल उमन देखिन। ये बांध के बन जाय म रबी अऊ खरीफ फसल बर 541 किसान मन के कुल 1600 हेक्टेयर खेत मं सिंचाई होही। मुख्यमंत्री हर मनरेगा के मस्टर रोल तको देखिन। मजदूर मन ले मजदूरी भुगतान के बारे मं पूछिन। एक जघा मनरेगा के काम ल देखे पैदल गीन। गौरखेडा मं महिला स्वसहायता समूह द्वारा संचालित राशन दुकान के बारे मं ग्रामीण मन ले कुछ शिकायत मिलीस। त मुख्यमंत्री हर दुकान ल सील करे के अऊ ग्रामीण मन के मांग म सहकारी समिति (लैम्प्स) ल दे के ले निर्णय दीस।


style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">



style="display:block"
data-ad-format="autorelaxed"
data-ad-client="ca-pub-3208634751415787"
data-ad-slot="1301493753">

Share on Google Plus

About gurturgoth.com

ठेठ छत्तीसगढ़िया. इंटरनेट में 2007 से सक्रिय. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. पेशे से फक्‍कड़ वकील ऎसे से ब्लॉगर.
    Blogger Comment
    Facebook Comment

0 comments:

Post a Comment